Popular Bible Verses from Vakatakila 10

Share

Ia ena gauna sa uvuca kina na nona davui na i kavitu ni agilosi, ena vakacavara vinaka kina na Kalou na nona i tuvatuva vuni, me vaka sa vakadewataka oti vei ira na nona dauveiqaravi, o ira na parofita.”

Sa qai tukuni mai vei au, “Sa dodonu vakaoqo mo kacivaka tale na i tukutuku ni Kalou me baleta na veimatanitu, kei na veimatatamata, kei na veimataqali vosa, kei na tui eso.”

Au a qai raica e dua tale na agilosi kaukauwa sa lako sobu tiko mai lomalagi. A sa solegi koya tu na o, ka sa cawiri e uluna e dua na drodrolagi; sa vaka na matanisiga na matana ka sa vaka na duru bukawaqa na yavana.

Au sa qai lako yani vua na agilosi ka kaya vua me solia vei au na i vola vivigi lailai. Sa qai kaya vei au o koya, “Taura ka kania; ena la'ki vuki me gaga e ketemu, ia sa kamikamica sara me vaka na oni e gusumu.” Au sa qai taura na i vola vivigi lailai mai na liga i koya na agilosi, ka'u a kania; a sa kamikamica sara me vaka na oni e gusuqu, ia sa qai vuki me gaga e ketequ ni'u sa kania oti.