Popular Bible Verses from Vakatakila 9

Share

Na vo ni kawa tamata, o ira ka sega ni vakamatei mai na ka ni veivakararawataki oqo, era sa sega ni vuki tani mai na veika era sa rawata mai na cakacaka ni ligadra. Era sa sega talega ni biuta na qaravi tevoro, se na qaravi kalou matakau eso sa buli ena koula, ena siliva, ena parasa, ena vatu, kei na kau, a veika ga sa sega ni rai rawa, se rogo, se lako. Era sa sega talega ni veivutunitaka na nodra daulaba, se na nodra cakacaka vakadraunikau, se na nodra dauyalewa kei na dautagane, se na nodra daubutako.

Era sa qai basika mai na loma ni kubou o ira na vodre ka lako sobu yani ki vuravura, ka sa soli vei ira na kaukauwa me vaka ga na kena sa soli vei ira na batibasaga. A sa vakaroti vei ira me ra kakua ni vakacacana na co, se na veivunikau, se na veimataqali kau lalai tale eso; ia me ra vakacacani ira ga na tamata sa sega vei ira na vakatakilakila ni drega ni Kalou ena dui yadredra.

Sa qai uvuca na i kalima ni agilosi na nona davui. Au a qai raica e dua na kalokalo sa lutu mai lomalagi ki vuravura, ka sa soli vua na ki ni katuba ni qara e sega na botona.

A sega ni soli vei ira na vodre na kaukauwa me ra veivakamatei, ia me ra veivakararawataki ga me vula lima. Na mosimosi ni nodra vakararawataki sa vaka ga na rarawa mosimosi sa sotava e dua mai na i kati ni batibasaga.

Sa dua tiko na nodra tui ka sa liutaki ira, o koya na agilosi ni qara e sega na botona. Na yacana vakaiperiu o Apatoni; ia na yacana vakirisi o Apolioni (a kena i balebale “Na Dauveivakarusai”).