Popular Bible Verses from Vakatakila 8

Share

Ni sa cecega na Lami na i kavitu ni drega, a sa vakanomodi o lomalagi me rauta e veimama na aua.

A sa uvuca na i matai ni agilosi na nona davui, ka sa lutu sobu mai ki na vuravura na uca cevata kei na bukawaqa sa waki vata tu na dra. A sa vakamai e dua na i katolu ni vuravura, kei na dua na i katolu ni wiliwili ni vunikau, kei na veico drokadroka.

Ia ka'u a raica, ka rogoca e dua na ikeli sa kaci tiko vakadomoilevu vakaoqo ni sa vuka voli ena maliwa lala, “A ka rarawa! A ka rarawa! A ka rarawa vakadomobula ena yacovi ira sa tiko e vuravura ena gauna ena voqa cake mai kina na domo ni davui eratou vakarau uvuca tiko oqo na vo ni agilosi e tolu!”

Sa qai uvuca na i karua ni agilosi na nona davui, ka sa kolotaki ki wasawasa e dua na ka sa vaka e dua na ulunivanua levu sa caudre tu ena bukawaqa. A sa vuki me dra e dua na i katolu ni wasawasa

Sa qai uvuca na i katolu ni agilosi na nona davui, ka sa lutu mai lomalagi e dua na kalokalo levu sa caudre tu me vaka na cina, ka sa lutu ki na dua na i katolu ni wiliwili ni veiuciwai kei na veimataniwai. Na yaca ni kalokalo o ya o “Duvagaga”. A sa gaga kina na i katolu ni wasewase ni wai, ka ra sa mate e lewe vuqa na tamata sa gunuva, baleta ni sa gaga vakalevu na kena i gunugunu.

Sa qai uvuca na i kava ni agilosi na nona davui. A sa ravuti vakaukauwa e dua na i katolu ni matanisiga, kei na dua na i katolu ni vula, kei na dua na i katolu ni veikalokalo, ka sa yali kina e dua na i katolu ni kedra rarama; a sa vakabutobutotaki kina e dua na i katolu ni siga kei na dua na i katolu ni bogi.