Vakatakila 8

Na i Kavitu ni Drega

1Ni sa cecega na Lami na i kavitu ni drega, a sa vakanomodi o lomalagi me rauta e veimama na aua. 2Au sa qai raici iratou na agilosi e vitu sa dau tucake tu ena mata ni Kalou, ka sa soli vei iratou e vitu na davui. 3#Emo 9.1; Lako 30.1,3Sa qai lako mai e dua tale na agilosi sa taura tu na i vakawaqa ni ka boi vinaka sa buli ena koula, ka la'ki tucake tu ena mata ni cabocabonisoro. A sa soli vua e levu sara na ka boi vinaka me cabora vata kei na nodra masu na tamata yalosavasava ena dela ni cabocabonisoro koula ena mata ni tikotiko vakaturaga. 4A sa tubu cake na kubou ni veika boi vinaka kei na nodra masu na tamata ni Kalou mai na ligana na agilosi sa tu ena mata ni Kalou. 5#Vsoro 16.12; Isi 10.2; Lako 19.16; Vtaki 11.19; 16.18Sa qai kauta na agilosi na i vakawaqa ni ka boi vinaka, ka vakasinaita ena qilaiso waqa mai na i cabocabonisoro, ka viritaka ki vuravura. A sa voqa cake mai na vavadugudugu kei na lutu ni kurukuru, a sa tatatibitibi na liva, ka yaco na uneune.

Na Davui

6E ratou sa qai vakarau na agilosi e vitu me ratou uvuca na davui e vitu sa tiko vei ratou.

7 # Lako 9.23-25; Isi 38.22 A sa uvuca na i matai ni agilosi na nona davui, ka sa lutu sobu mai ki na vuravura na uca cevata kei na bukawaqa sa waki vata tu na dra. A sa vakamai e dua na i katolu ni vuravura, kei na dua na i katolu ni wiliwili ni vunikau, kei na veico drokadroka.

8Sa qai uvuca na i karua ni agilosi na nona davui, ka sa kolotaki ki wasawasa e dua na ka sa vaka e dua na ulunivanua levu sa caudre tu ena bukawaqa. A sa vuki me dra e dua na i katolu ni wasawasa, 9a sa mate e dua na i katolu ni veika bula e wasawasa, ka sa vakacacani e dua na i katolu ni wiliwili ni waqa kece sara.

10 # Aisea 14.12 Sa qai uvuca na i katolu ni agilosi na nona davui, ka sa lutu mai lomalagi e dua na kalokalo levu sa caudre tu me vaka na cina, ka sa lutu ki na dua na i katolu ni wiliwili ni veiuciwai kei na veimataniwai. 11#Jere 9.15Na yaca ni kalokalo o ya o “Duvagaga”. A sa gaga kina na i katolu ni wasewase ni wai, ka ra sa mate e lewe vuqa na tamata sa gunuva, baleta ni sa gaga vakalevu na kena i gunugunu.

12 # Aisea 13.10; Isi 32.7; Joeli 2.10,31; 3.15 Sa qai uvuca na i kava ni agilosi na nona davui. A sa ravuti vakaukauwa e dua na i katolu ni matanisiga, kei na dua na i katolu ni vula, kei na dua na i katolu ni veikalokalo, ka sa yali kina e dua na i katolu ni kedra rarama; a sa vakabutobutotaki kina e dua na i katolu ni siga kei na dua na i katolu ni bogi.

13Ia ka'u a raica, ka rogoca e dua na ikeli sa kaci tiko vakadomoilevu vakaoqo ni sa vuka voli ena maliwa lala, “A ka rarawa! A ka rarawa! A ka rarawa vakadomobula ena yacovi ira sa tiko e vuravura ena gauna ena voqa cake mai kina na domo ni davui eratou vakarau uvuca tiko oqo na vo ni agilosi e tolu!”

Currently Selected:

Vakatakila 8: FNVDC12

Highlight

Copy