Myaso 94
94
Njambi ikeye Lyaako wa voshe
1Shukulu Kalunga yove wapwa u Njambi
muka-kuhisa vaka-vuvi,
sholola vukalu vwove!
2Yove lyaako wa vanu voshe,
vahise ngwe ku vilinga vyavo!
3Vaka-vuvi vakavwaelela visimbu vingaijo
yove Shukulu Kalunga?
4Mapwepwe vakalyalesa visimbu vingaijo?
Visimbu vingai vakavwaelela a milonga yavo?
5Mapwepwe valinakutsena vanu vove
yove Shukulu Kalunga,
co valinakuvayandesa manene.
6Vatsiya vifwile na visiwa,
nakutsiya lalo vangenzi
vaje vali mu lifuti lyetu.
7Vendeka ngwavo,
“Shukulu Kalunga katumono,
Njambi ya Isalele kombuko mbunge!”
8Yongoleni yeni vaka- mana!
Eni vikolokomba simbu mukajo
mukakala na mana?
9Njambi ikeye watangele matwi etu,
co kasa kuziva ndi?
Ikeye watangele mesho etu,
co kasa kumona ndi?
10Ikeye akanyanyamesa vanu,
co kuma kasa kuvahisa ndi?
Ikeye wapwa mulongisi wa vanu voshe,
kuma kasa kuzivuka ndi?
11 #
1 Koli 3:20
Shukulu Kalunga azivuka viyongola vya vanu,
azivuka ngeci viyongola vyavo
vinapu vyangoco.
12Navezika munu uje iwulongesa
yove Shukulu Kalunga,
munu uje iwulongesa lishiko lyove.
13Ukamwana kuhwima
a litangwa lya tuyando,
noo vanendi mbulu ya vaka-vuvi.
14Shukulu Kalunga kakavyana vanu vendi,
nameme kwivala muyati wendi
uje wanaangula.
15Vushunga vukeluka lalo ku vaka-kulongwa,
co voshe vaje vaka-kupanga mwamuvwa vakavukavangeya.
16Iyajo wanjikwasele nakulwisa vaka-vuvi?
Iyajo wemanene nange nakulwisa vanu vavavi?
17Nga Shukulu Kalunga kanjikwasele,
nga yange njililaja mu vukalo vwa vatsi.
18Njendekele ngwange,
“Lindi lyange lyasenutuka,”
oloni yove Shukulu Kalunga,
cizemo cove cije kucesi kutenguluka canjikolesele.
19Omo viyongola mu mbunge yange vyatumine,
oloni yove wanjizembelekele nakunjivwaelelesa.
20Yove kuutava ngeci vaka-vuvi vashwane,
vaje vayongola vya muuka nakupokola mashiko,
21vaje vatumba matumbe akulwisa vaka-vushunga,
nakuhisa munu wakujeneka mulonga ngeci atse.
22Oloni Shukulu Kalunga ikeye muka-kunjamena,
Njambi yange ikeye muka-kunjinyunga.
23Ikeye akavahisa a vilinga vyavo vyavivi,
nakuvanyongesa a vuvi vwavo.
Shukulu Kalunga Njambi yetu
akavanyongesa voshe njwa.
Currently Selected:
Myaso 94: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
