Myaso 93
93
Njambi ikeye mwene
1Shukulu Kalunga ikeye mwene!
Ikeye nazala vukama na nzili,
kaye anga vakemikilile mu mwela wako,
co kukesi kushwenya embwe.
2Litanda lyove lyakala tunde ku san̄ulu
yove Shukulu Kalunga,
yove wayoya myaka yoshe.
3Yove Shukulu Kalunga
mema a kalunga alinakukuma,
alinakukuma na nzili manene.
4Shukulu Kalunga ikeye muka-kushwana mwilu,
ikeye wakama kutuvakana mwakakumu
mema a kalunga,
Shukulu Kalunga ali na nzili yakama
kutuvakana mankimba a mema a kalunga.
5Shukulu Kalunga,
mashiko ove akala ku myaka yoshe,
mwa vushunga Njuvo yove
yapwa yakujela ku myaka yoshe.
Currently Selected:
Myaso 93: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
