Myaso 92
92
Mwaso wakushangazala
Mwaso wa Litangwa Lyakuhwima
1Mwamuvwa kushangazala Shukulu Kalunga,
nakwimba myaso ya kushangazala
lizina lyove Njambi wa Akamwa ya Akamwa,
2nakwambulula cizemo cove cije kucesi kutenguluka
a mutondo a mutondo,
na kulongwa kwove ku vutsiki na vutsiki,
3na kalyalya kakulema mikole likumi,
nakusungika kwakuvwa kwa kalyalya.
4Unanjivwaelelesa omwo vilinga vyove
yove Shukulu Kalunga,
co njiimba nakujolela a vyuma vije
unapanga na mavoko ove.
5Yove Shukulu Kalunga!
Vipangi vyove vyapwa vyakama!
Na viyongola vyove vyapwa vyakulova!
6Munu wa mana kasa kuvizivuka,
na cikolokomba kasa kuvizivisisa,
7nameme vaka-vuvi vakola ngwe mwila,
na voshe vaka-kulinga vyavivi
vakala na vufuko vwavungi,
vakavanyongesa ku myaka yoshe,
8oloni yove Shukulu Kalunga,
vakakwalesa myaka yoshe.
9Yove Shukulu Kalunga,
mwa vushunga vitozi vove vakavanyongesa,
voshe vaka-kulinga vyavivi vakavasheka.
10Unanjipwisa muka-nzili ngwe mpakasha,
unanjivwavesa na mazi amavwa.
11Njinamono kufunguluka kwa vitozi vange,
co njinazivi mitambi ya vaka-vuvi.
12Vaka-vushunga vakavezika ngwe miti ya mashakavale,
co vakola ngwe miti ya kendale ya ku Lembanone.
13Vanalifu na miti yakukuna
mu Njuvo ya Shukulu Kalunga Njambi,
ije ilinakukula mwamuvwa,
mu Njuvo yetu ya Shukulu Kalunga,
14nakwima vushuka a simbu yayo,
co simbu yoshe izivuluka nakukala na nzili.
15Eci cimwesa ngeci Shukulu Kalunga
wapwa wa vushunga,
kumwesi vuvi muli muka-kunjinyunga.
Currently Selected:
Myaso 92: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
