Myaso 91
91
Njambi ikeye cimpaka cetu
1Woshe uje yanamena Shukulu Kalunga,
woshe uje yanyunga Muka-nzili yoshe,
2akendeka kuli ikeye ngwendi,
“Yove wapwa vutewelo vwange
na cimpaka cange!
Yove wapwa u Njambi yange,
kuli yove njinakulaela.”
3Mwa vushunga ikeye akakunyunga
ku vushonde vwa mu vushweke,
na ku mishongo yoshe ya kutsa.
4Ikeye akakufwika mu mambava endi,
nakukunyunga mwamuvwa,
vushunga vwendi vukakwamena nakukunyunga.
5Ku vutsiki kuukazivi lyova lya vushonde,
nambe lyova lya mikili a simbu ya mutanya,
6nambe lyova lya mishongo ije iita ku vutsiki,
nambe lyova lya vyuma vije
vinyongesa vanu mutanya mwelu.
7Vanu vakupwa 1,000 vakawila kuyehi nove,
nameme vanu vakupwa 10,000 vakakuzengeleka,
oloni yove kuukavulumuka embwe.
8Yove ukakenga nakumona vaka-vuvi omo vavahisa.
9Omwo Shukulu Kalunga wapwa vutewelo vwove,
unalyangwila wa Akamwa ya Akamwa
kupwa cimpaka cove,
10vuvi navumo vwai vuukamona,
nambe mushongo naumo wai
ukaija ku njuvo yove.
11 #
Mat 4:6; Luk 4:10 Njambi akashika tungelo twendi nakukunyunga,
vakakunyunga kwoshe kuje kuukaya.
12 #
Mat 4:6; Luk 4:11 Vakakukavwila na mavoko avo,
ngeci myanja yove kesi ikatanuke ku mamanya.
13 #
Luk 10:19
Ukalyatangela vindumba na mashuko,
ukalyatangela vindumba va vukalu
na manyoka va vushungu vwavuvi.
14Njambi nendeka ngwendi,
“Njikamena vaje voshe vanjizema,
nakunyunga vaje vanjizivuka ngeci yange nji Kalunga.
15Omo vatambeka kuli yange,
co njivakumbulula omo vali mu tuyando,
co njikakala amo navo.
Njikavamena nakuvasingimika.
16Njikavana cikandelela
ca mwonyo wa myaka yoshe,
co njikavamena.”
Currently Selected:
Myaso 91: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
