Myaso 95
95
Mwaso wakushangazala
1Ijeni tushangazale Shukulu Kalunga!
Twimbeni nakujolela kuli Njambi
uje muka-kutunyunga!
2Tuyeni kuli ikeye nakukandelela,
nakwimba myaso yakujolela
nakumushangazala!
3Omwo Shukulu Kalunga ikeye Njambi muka-nzili,
ikeye mwene wa nzili kuhyana vinjambi voshe.
4Ikeye washwana ano asi oshe,
kutunda ku manzenzengoma akulova
nakweta ku malundu amalaja.
5Mema a kalunga apwa endi,
omwo ikeye waatangele,
watangele lalo nunda.
6Ijeni tutsikame nakumulemesa,
tutsikameni ku mesho a Shukulu Kalunga
uje watutangele!
7 #
VaHe 3:7-11
Ikeye napu Njambi yetu,
netu tunapu vanu vendi vaje vakanyungu,
tunapu vutanga vwendi vuje vwakalisa. #VaHe 3:15; 4:7
Tolilileni ku lijwi lya Njambi lelo,
8“Kesi mukaluwise vimbunge vyeni,
ngwe muje muvalingile
vakukulwila veni ku Meliva,
ngwe muje muvalingile a litangwa lije
ku Masa mu mambo.
9 #
Kut 17:1-7; Kul 20:2-13 Kuje vakukulwila veni vanjesekele nakunjiilula,
nameme vakevo vamwene vije vinjalingile.
10Njaluvalele na cisemwa cije
a myaka makumi awana,
co njendekele ngwange,
‘Vakevo vanapu vakujeneka kulongwa,
valinakuvyana mashiko ange!’
11 #
Kul 14:20-23; Kwi 1:34-36; 12:9-10; VaHe 4:3-5 Njaluvalele,
co njalisingile ngwange,
‘Kumukakovela mu lifuti lije
linjashakele kumyana
ngeci mukahwiminemo.’ ”
Currently Selected:
Myaso 95: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
