Myaso 85
85
Lilombelo lyakutetela muyati
Mwaso wa cikota ca Kola
1Unavezikisa lifuti lyove yove Shukulu Kalunga,
unalingisa vyuma vyoshe kupwa vyavivwa
ku vatekulwila va Yakomba.
2Yove unasambesa vanu vove ku vuvi vwavo,
nakuzimangana kupenga-penga kwavo kwoshe.
3Unatundisa vukalu vwove vwoshe,
co unalikela kuluvala.
4Twamene yove Njambi muyoyesi wetu,
co likele kuluvala netu!
5Ukaluvala netu simbu yoshe ndi?
Kuma ukatwalao vukalu vwove
ku visemwa vyetu vyoshe ndi?
6Tupwise vaka-nzili lalo
ngeci yetu vanu vove tujolele muli yove.
7Tumwese cizemo cove yove Shukulu Kalunga,
cije kucesi kutenguluka,
co twamene.
8Njikatolilila vije vyendeka
Shukulu Kalunga Njambi,
nakulaesa kwoloka kuli yetu vanu vendi
va kulongwa kuli ikeye,
nga kutwilukila ku vulema vwetu.
9Mwa vushunga kwamena kwendi
kuli muyehi na vaje vamukomoka,
ngeci vumpau vwendi vukale mu lifuti lyetu.
10Cizemo cije kucesi kutenguluka
nakukulaela vikaliwana amolika,
co vushunga na kwoloka
vikalivumbatela ngwe munu na musamba wendi.
11Kulongwa kwa munu kutunda ano asi nakweta mwilu,
co vushunga vwa Njambi vukakenga asi kutunda mwilu.
12Mwa vushunga Shukulu Kalunga,
akana vije vyavivwa,
co tukateja vimbuto vyavingi mu lifuti lyetu.
13Vushunga vukaya kulutwe lwa Shukulu Kalunga,
nakumuvwaesela ngila ngeci endelemo.
Currently Selected:
Myaso 85: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
