Myaso 84
84
Kushungwiya Njuvo ya Shukulu Kalunga
Mwaso wa cikota ca Kola
1Yange njizema Njuvo yove,
Shukulu Kalunga Muka-nzili yoshe!
2Njishaka ngeci njikalemo!
Njishaka kukala mu Njuvo ya Shukulu Kalunga.
Na mbunge yange yoshe njiimba
nakujolela kuli Njambi wakuyoya.
3Nameme tunzilili vanatungu mashwa,
na tumbyasa lalo vali mu viteke vyavo,
valinakunyungila vana vavo kuyehi na mutula wove,
Shukulu Kalunga Muka-nzili yoshe,
mwene yange na Njambi yange.
4Vavezika vaje vali mu Njuvo yove,
simbu yoshe valinakwimba nakukushangazala!
5Vavezika vanu vaje nzili yavo itunda kuli yove,
vanu vaje vimbunge vyavo vili mu vungenzi
vwakuya ku Munkinda wa Siyone.
6Akwita mu Cimbongo ca Mbaka,
capwile mutambela wa masima a tuvwelu-vwelu,
co nyonzi ya musanda
yashulisile vingunja vyamwo.
7Omo vakele nakuya vavawezelelele nzili,
co munu na munu walisholwele kuli Njambi wa Siyone!
8Ziva lilombelo lyange,
Shukulu Kalunga Njambi Muka-nzili yoshe,
yove Njambi ya Yakomba.
9Tolilila yove Njambi!
Vezikisa mwene yetu,
mwene uje iwunaangula!
10Litangwa limo lyakukala mu Njuvo yove,
lyalivwa kutuvakana matangwa 1,000
akukala kweka,
mwamuvwa kuli yange kupwa muka-kunyunga
ku cikolo ca njuvo ya Njambi yange,
kutuvakana kukala mu membo a vaka-vuvi.
11Omwo Shukulu Kalunga Njambi
wapwa litangwa na ntelo.
Ikeye akana ngozi na kasingimiko,
ikeye kesi kumina cuma cimo cacivwa,
kuli vaje venda mu vushunga.
12Yove Shukulu Kalunga Muka-nzili yoshe,
vavezika vanu vaje vakulaela kuli yove!
Currently Selected:
Myaso 84: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
