Myaso 83
83
Lilombelo lyakufungulula vitozi va Isalele
Mwaso wa Asafe
1Kesi woloke kuluu embwe yove Njambi,
kesi ulisingimike,
nambe kesi utumbame kuluu embwe!
2Kenga, vitozi vove vanakukatukila,
na vaje vakuzinda vanakutengulukila.
3Valinakutumba matumbe a mu vushweke akulwisa vanu vove,
valinakulinga munga yakulwisa vaje vaunanyungu.
4Vendeka ngwavo,
“Tuyeni tunyongese muyati wa Isalele,
ngeci kesi kukakale umo akanuke
lizina lyawo ku myaka yoshe!”
5Vanalizivasana vutumbe vwavo,
vwakukulwisa na munga ya vanu
6va ku Endome na vaIshimaela,
na vanu va ku Mowavi na vaHangeli,
7na vanu va ku Ngembale na vanu va ku Amoni,
na vanu va ku Amaleke na vanu va ku Filisitiya
na vanu va ku Tile.
8VaAsilya navo vanalipandakana navo,
nakukwasa vatekulwila va Lote.
9 #
Maa 4:6-22; 7:1-23 Linga navo ngwe muwalingile kuli va Mindyani,
na Sisela na Njavine ku Ndonga ya Kishone.
10Wavanyongesele ku Endole,
co mivila yavo yavolelele asi.
11 #
Maa 7:25; 8:12 Linga ku vantwama vavo ngwe muwalingile
kuli Olemba na kuli Zeve,
fungulula vaka-kushwana vavo voshe
ngwe muwalingile na Zeva na Zelumuna.
12Vaje vendekele ngwavo,
“Tutambuleni lifuti lije
lyapwile lya Njambi ngeci lipwe lyetu.”
13Vashandole ngwe likungu yove Njambi yange,
ngwe vishwashwa vije vipekumuka na lihunzi.
14Ngwe tuhya twenyeka shwata ngwe milangi ya tuhya
ishwameka malundu,
15ngecivene, vapekumune nakuvajujwisa
na lihunzi lyove lyakama.
16Vazivise shwamwa yove Shukulu Kalunga,
noo vatenguluka nakukulemesa.
17Vavafungulule nakuvajujwisa ku myaka yoshe,
ngeci vanyonge na shwamwa.
18Vazivuke ngeci yove lika wapwa Shukulu Kalunga,
muka-kushwana kaye koshe!
Currently Selected:
Myaso 83: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
