Myaso 86
86
Lilombelo lyakukwasa
Lilombelo lya Ndaviti
1Njitolilile yove Shukulu Kalunga
co kumbulula lilombelo lyange,
omwo yange njikautu.
2Njamene, omwo njakuzema,
njamene yange ngamba yove
uje wakulaela kuli yove.
3Njizivileko mema ku mbunge, yove Njambi,
njikalombela kuli yove litangwa lyoshe.
4Vwaelelesa mbunge ya ngamba yove,
yove Shukulu Kalunga malombelo ange ete kuli yove.
5Omwo yove Shukulu Kalunga
wapwa uwamuvwa kuli yetu u muka-kusambesa,
washula na cizemo cije kucesi kutenguluka
kuli voshe vaje valombela kuli yove.
6Tolilila kukulomba kwange yove Shukulu Kalunga,
co ziva kutambeka kwange ngeci unjikwase.
7Omo njili mu vukalu njilombela kuli yove,
omwo yove ukanjikumbulula.
8Kukwesi weka lalo wakulifwa nove
akati ka vinjambi yove Shukulu,
kukwesi vipangi vyakulifwa nevi vyove.
9 #
Kuj 15:4
Miyati yoshe iwatangele
vakaija nakutsikama kuli yove,
co vakashangazala vukama vwove.
10Yove uwakama,
co ukalingi vyuma vyakukomokesa
omwo yove lika u Njambi.
11Njilongese yove Shukulu Kalunga,
ngeci njononoke vushunga vwove,
simbu yoshe njipwise muka-vushunga.
12Njikakushangazala na mbunge yange yoshe
yove Shukulu Kalunga Njambi yange,
co njikambulula vukama vwove ku myaka yoshe.
13Omo vukama vwa cizemo cove kuli yange
cije kucesi kutenguluka,
unanjamena ku kutsa na ku mbumbo.
14Yove Njambi,
vaka-kulyalesa na vaka-muuka
vashaka kunjilwisa nakunjitsiya,
vanu vaje kuvesi kumba mbunge kuli yove.
15Oloni yove Shukulu Kalunga u muka-kuzivila
mema ku mbunge
wapwa u Njambi wa ngozi na cizemo,
kuwesi kuluvala vwasi,
washula na cizemo cije kucesi kutenguluka,
u Njambi wa vushunga.
16Tengulukila kuli yange
nakunjizivilako mema ku mbunge,
njitakamese nakunjamena
omwo njikupangela,
ngwe muvakupangelele vanana.
17Njimwese vuvwa vwove Shukulu Kalunga,
ngeci vaje vanjizinda vakazive shwamwa,
omo vamona ngeci yove unanjikwasa nakunjizembeleka.
Currently Selected:
Myaso 86: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
