1 Kolinte 5
5
Vupangala mu cikungulukilo
1 #
Kwi 22:30
Ololo kunatsimana ngeci akati keni ali vupangala vwakukomokesa vuje nambe vaka-kujeneka kukulaela kuvasa kuvulinga. Omwo vananjileka ngwavo munalume umo alinakulinga vuvi na munakazi wa ishe! 2Ngecivene, vikajo mulinakulyalesela? Kuma kumwapandele kuviilila ndi? Co munu uje nalingi cuma eci mwapande kumutundisa mu cikungulukilo. 3Nambe njiwaiko mu muvila, anga njili neni mu munzinzime, co ngwe kunjili vene njinamuhisa laja 4mu lizina lya Mwene yetu Kilistu munalume uje nalingi cuma eci cacivi. Omo mukunguluka, co nange njili amo neni mu munzinzime, mu nzili ya Mwene yetu Yesu ili amo netu, 5kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.
6 #
Ngala 5:9
Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.” 7#Kut 12:5 Tundiseni musima walaja wa vuvi ngeci mupwe vakujela. Asinoni mupwe mukasha wauha wakujeneka musima, mwa vushunga njizivuka ngeci omu mukemwo mumunafu. Omwo Ciwano cetu ca Pasovala cinavwaa laja, ololo Kilistu, muna manga wetu wa Pasovala, vanamukombelela laja. 8#Kut 13:7; Kwi 16:3 Ngecivene, tulisambeni ciwano cetu, kesi na likende lili na musima walaja wa vuvi na kupenga-penga embwe, oloni na likende lije kulyesi na musima, likende lyakujela na vushunga.
9Mu mukanda uje njamisonekelele njamilekele ngwange kesi mulikumbasane na vaka-vupangala. 10Oloni, kunjendekele vaka-kujeneka kukulaela vaje vaka-vupangala, vaka-cipululu vakevo lalo vezi, nambe vaka-kulemesa tumponya. A kulitepa navo munapande kutunda ano a kaye! 11Njatumbwile ngwange kesi mulikumbasane na munu uje alitumbula ngwendi napu muka-kukulaela oloni napu muka-vupangala, nambe muka-cipululu, nambe muka-kulemesa tumponya, nambe muka-kushaula, nambe muka-kupenda, nambe muka-kwiva. Kesi mutumbame nakulya na munu wangacije.
12Omwo vikajo njisompela vaka-anja? Njambi ikeye akavasompa. 13#Kwi 13:5; 17:7 Oloni munapande kusompa vaje vali mu cikungulukilo. Ngwe muvyendeka visoneka ngwavyo, “Tundiseni muka-vuvi uje ali akati keni.”
Currently Selected:
1 Kolinte 5: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006