Salāmo 98
98
‘Ia Vi‘ia le Atua e Tagata uma Lava
O le salāmo
1‘Ia ‘outou pepese atu i le ALI‘I i le pese fou;#Eso 15.6; Sala 33.3; Isai 59.16; Luka 1.51
auā o vāvega na na faia;
o lona ‘a‘ao taumatau, o lona lava ‘a‘ao pa‘ia,
‘ua ia fai ai le olataga.
2‘Ua fa‘ailoa mai e le ALI‘I o lana lava fa‘aolataga;#Isai 52.10; 62.2; Luka 2.30-31; Roma 3.26
‘ua ia fa‘aalia lana amiotonu i luma o nu‘u ‘ese.
3Na ia manatua lona alofa ma lona fa‘amaoni i le ‘āiga o Isaraelu;#Teu 4.31; Isai 49.6; Luka 1.54-55; 3.6
‘ua iloa e tulu‘iga uma o le lalolagi le olataga mai lo tatou Atua.
4‘Ia ‘alalaga i le ALI‘I le lalolagi uma;
‘ia leo tele lava ma ‘ia ‘alalaga fiafia ma ‘ia fai pesega.
5‘Ia ‘outou fai pesega i le ALI‘I i le kitara;
o le kitara ma le leo o le pese.
6O pū ma le leo o le sofao#Nume 10.10; 1 No 15.28
‘ia ‘outou ‘alalaga ai i luma o le ALI‘I le Tupu.
7‘Ia ta‘alili le sami ‘atoa ma mea ‘ua tumu ai,
o le atu laulau ‘atoa ma ē o nonofo ai.
8‘Ia pati lima vaitafe,#Sala 89.12; Isai 55.12
‘ia ‘alalaga fa‘atasi ai mauga ma le fiafia,
9i luma o le ALI‘I; auā o lo‘o afio mai o ia e fa‘amasino le lalolagi;
na te fa‘amasino le atu laulau ma le amiotonu,
‘atoa ma nu‘u i le tonu.
Currently Selected:
Salāmo 98: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
