Salāmo 99
99
O le Apoapoa‘iga i Tagata uma ‘ia Latou ifo atu i le Atua i lona Mauga Pa‘ia
1‘Ua fai le ALI‘I ma tupu, ‘ia gatete nu‘u;#Eso 25.22; Sala 80.1; 93.1; Isai 24.19
o lo‘o ti‘eti‘e o ia i le vā o kerupi,
‘ia fa‘agae‘etia le lalolagi.
2E silisili le ALI‘I o i Siona;
e maualuga fo‘i o ia i luga o nu‘u uma.
3‘Ia latou vivi‘i atu i lou suafa e sili ‘ia ma le mata‘utia;#Teu 28.58; Iosu 24.19; Isai 6.3
e pa‘ia lava ia.
4O le malosi fo‘i o le tupu o lo‘o fiafia ia i le fa‘amasinoga;
o oe ‘ua e fa‘atumauina le amiotonu,
o oe fo‘i ‘ua e faia le fa‘amasinoga tonu ‘iā Iakopo.
5‘Ia ‘outou fa‘ane‘ene‘e atu i le ALI‘I lo tatou Atua,#Eso 15.2; 1 No 28.2; Sala 118.28; Isai 60.13
‘ia ‘outou ifo atu i le mea e tu ai ona ‘a‘ao;
e pa‘ia lava o ia.
6O Mose ma Arona o ona ositaulaga,#Eso 17.11; Levi 8.12; 1 Samu 7.9; Iere 15.1
o Samuelu fo‘i i ē o vala‘au atu i lona suafa;
‘ua latou vala‘au atu i le ALI‘I,
‘ona tali mai lea o ia ‘iā te i latou.
7Na ia fetalai atu ‘iā te i latou i le ao fa‘aniutū;#Eso 33.9; Nume 12.5
na latou tausi i ana poloa‘iga ma tulafono na ia tu‘uina atu ai ‘iā te i latou.
8Le ALI‘I e, lo matou Atua,#Eso 32.35; Nume 14.20; 20.12; Teu 9.20
o oe lava na e tali atu ‘iā te i latou;
o oe lava le Atua na e fa‘amāgaloina i latou,
a ‘ua e taui ‘iā latou amioga.
9‘Ia ‘outou fa‘ane‘ene‘e atu i le ALI‘I lo tatou Atua,#Sala 2.6
‘ia ‘outou ifo atu fo‘i i lona mauga pa‘ia;
auā e pa‘ia lava le ALI‘I lo tatou Atua.
Currently Selected:
Salāmo 99: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
