Salāmo 97
97
O le Mamalu o le Mālō o le Atua
1‘Ua fai le ALI‘I ma tupu; ‘inā ‘oli‘oli ia le lalolagi;
‘ia fiafia le vao nu‘u o tu matāfaga.
2‘Ua si‘osi‘omia o ia i ao ma le pogisā;#Eso 19.9; Teu 4.11; Sala 18.11; 89.14
o le amiotonu ma le fa‘amasinoga o lo‘o tumau ai lona nofoāli‘i.
3‘Ua muamua i ona luma le afi,
e susunu fa‘ata‘ali‘oli‘o ai i ē ‘ua ita ‘iā te ia.
4O ona uila ‘ua malamalama ai le atu laulau;#Sala 77.8
‘ua iloa e le lalolagi, ‘ona gatete ai lea.
5‘Ua liu suāvai mauga e pei o le pulu, i luma o le ALI‘I,#Mika 4.13; Nau 1.5
i luma o le Ali‘i o le lalolagi uma.
6O lo‘o fa‘aali mai e le lagi lana amiotonu,
o lo‘o iloa atu fo‘i e nu‘u uma lona mamalu.
7‘Ia mamā i latou uma o ē ‘au‘auna i tupua ‘ua ta,#Sala 96.5; Isai 42.7; Iere 10.14
o ē ‘ua mitamita i tupua;
‘outou atua uma e, ‘ia ‘outou ifo atu ‘iā te ia.
8‘Ua fa‘alogo Siona ‘ona ‘oli‘oli lea o ia;
e fiafia tama fafine a Iuta ‘ona o au fa‘amasinoga le ALI‘I e.
9Auā o oe le ALI‘I e, e sili lava oe i le lalolagi uma;
e matuā silisili ‘ese lava oe i atua uma lava.
10‘Outou e ‘ua alolofa atu i le ALI‘I,#Sala 34.14; Fa‘ata 2.8; 8.13; Tani 3.28; Amo 5.15; Galu 12.11; Roma 12.9
‘ia ‘outou ‘ino‘ino i mea leaga;
o lo‘o tausi o ia i agaga o ona tagata amio Atua;
na te lavea‘iina i latou a‘i lima o ē amio leaga.
11‘Ua lūlūina le malamalama mo lē amiotonu,#Sala 112.4; Fa‘ata 4.18
‘ua lūlūina fo‘i lē ‘oli‘oli mo ē ‘ua loto fa‘amaoni.
12‘Outou ē ‘ua amiotonu, ‘ia ‘outou fiafia i le ALI‘I;#Sala 30.4; 32.11
‘ia ‘outou vivi‘i pe a manatua lona pa‘ia.
Currently Selected:
Salāmo 97: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
