Salāmo 87
87
O le Manuia o Siona
O le salāmo, o le pese lea mā le fānauga a Koru
1O lona fa‘avae o i le atu mauga pa‘ia lea.#Sala 2.6; Isai 28.16
2E sili le fiafia o le ALI‘I i faitoto‘a o Siona,
i lona fiafia i mea uma e nonofo ai Iakopo.
3O mea e vi‘ia ‘ua ta‘ua lava ‘iā te oe,#Sala 46.4; Isai 60.1-2
le ‘a‘ai a le Atua. Selā.
4“‘Ou te ta‘ua Raava ma Papelonia fa‘atasi ma ē ‘ua iloa a‘u;
fa‘auta, o Filisitia ma Turo, ‘atoa ma Aitiope;
na fānau ai lenei tagata.”
5E fa‘apea ane fo‘i ‘iā Siona,#Sala 48.8
“O lea tagata ma lea tagata na fānau ai;”
o lē Silisili‘ese fo‘i o ia lea na te fa‘atumauina o ia.
6O le ALI‘I na te faitauina pe a tusia e ia le nu‘u, e fa‘apea ane,#Isai 4.3; Fa‘aa 13.9
“Na fānau ai lenei tagata.” Selā.
7O ē pepese ‘atoa ma ē sisiva;#Isai 12.3; Fa‘aa 21.6
“O ‘iā te oe o‘u punāvai uma.”
Currently Selected:
Salāmo 87: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
