Salāmo 86
86
O le Tatalo a Tavita i le Atua ‘ina ‘ia Fa‘aola ‘iā te ia a‘i lē ‘ua Sauā ‘iā te Ia
O le tatalo a Tavita
1Le ALI‘I e,#Sala 31.2; 40.17
‘ia liliu mai ou fofoga,
‘ia e fa‘afofoga mai ‘iā te a‘u,
auā ‘ua puapuagātia ma ‘ua mativa lava a‘u.
2‘Ia e leoleoina lo‘u agaga,
auā ‘ua amio Atua lava a‘u.
O oe na, lo‘u Atua e,
‘ia e fa‘aola mai i lau ‘au‘auna o lē ‘ua fa‘atuatua ‘iā te oe.
3Le ALI‘I e,#Sala 56.1; 57.1
‘ia e alofa mai ‘iā te a‘u;
auā ‘ou te vala‘au atu ‘iā te oe i aso uma lava.
4‘Ia e fa‘afiafia mai le loto o lau ‘au‘auna;
auā ‘ua fa‘anaunau atu lo‘u loto ‘iā te oe, le Ali‘i e.
5Auā le Ali‘i e,#Nume 14.18; Sala 86.15; 130.4, 7
o oe e lelei ma ‘ua e fa‘amāgalo sala;
e tele fo‘i lou alofa ‘iā te i latou uma o ē vala‘au atu ‘iā te oe.
6Le ALI‘I e,
‘ia e fa‘afofoga mai i la‘u tatalo;
ma e liliu mai i le leo o la‘u ‘ai‘oi.
7O le aso e puapuagātia ai a‘u,
‘ou te vala‘au atu ai ‘iā te oe;
auā ‘e te tali mai ‘iā te a‘u.
8Le Ali‘i e,#Eso 15.11; Teu 3.24; 1 Samu 2.2; 2 Samu 7.22; 1 Tu 8.23; Sala 35.10
e leai lava so le vao atua e tusa ma oe;
e leai fo‘i se galuega e tusa ma au galuega.
9O nu‘u uma na e faia latou te ō mai,#Fa‘aa 15.4; Isai 66.23; Sala 66.4
ma latou ifo atu i ou luma, le Ali‘i e;
ma latou fa‘ane‘ene‘e atu i lou suafa.
10Auā e sili oe, o lo‘o e fai fo‘i vāvega;#Teu 6.4; Sala 72.18; Isai 37.16; 1 Kori 8.4; Efe 4.6
o le Atua oe, na o oe lava.
11Le ALI‘I e,
‘ia e fa‘asino mai ‘iā te a‘u lou ala,
‘ou te savali i le mea moni mai ‘iā te oe;
‘ia e faia ‘ina ‘ia tasi lo‘u loto e mata‘u i lou suafa.
12Le Ali‘i e, lo‘u Atua,
‘ou te vivi‘i atu ‘iā te oe i lo‘u loto ‘atoa;
‘ou te fa‘ane‘ene‘e atu lava i lou suafa e fa‘avavau.
13Auā e tele lava lou alofa ‘iā te a‘u;#Sala 30.3; 56.13
na e lavea‘i mai lo‘u agaga, a‘i seoli e maulalo lava.
14Le Atua e,
‘ua laga mai ‘iā te a‘u o ē fa‘amaualuga,
o le fa‘apotopotoga, fo‘i o ē sauā na latou sā‘ilia mai a‘u e fasioti;
latou te le‘i tu‘uina atu oe i o latou luma.
15A o oe le Ali‘i e,#Eso 34.6; Nee 9.17; Sala 103.8; 111.4; 145.8; Ioe 2.13; Iona 4.2
o le Atua oe lē alofa mutimutivale ma lē alofa fua,
o lē telegese lona to‘asā, ‘ae tele le alofa ma le fa‘amaoni.
16‘Ia e liuliu alo mai ‘iā te a‘u,#Sala 25.16; 116.16
ma ‘ia e alofa mai ‘iā te a‘u;
‘ia e foa‘i mai lou malosi i lau ‘au‘auna,
ma ‘ia e fa‘aola mai i le tama tane a lau ‘au‘auna fafine.
17‘Ia e faia se fa‘ailoga mo a‘u ‘ou te lelei ai;#Fa‘ama 6.17
‘ina ‘ia iloa ai ē o ‘ino‘ino mai ‘iā te a‘u, latou te mamā ai;
auā o oe, le ALI‘I e, ‘ua e fesoasoani mai ‘iā te a‘u,
ma e fa‘amafanafana mai ‘iā te a‘u.
Currently Selected:
Salāmo 86: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
