Popular Bible Verses from Salāmo 86

Share

Le ALI‘I e, ‘ia e fa‘asino mai ‘iā te a‘u lou ala, ‘ou te savali i le mea moni mai ‘iā te oe; ‘ia e faia ‘ina ‘ia tasi lo‘u loto e mata‘u i lou suafa.

Auā le Ali‘i e, o oe e lelei ma ‘ua e fa‘amāgalo sala; e tele fo‘i lou alofa ‘iā te i latou uma o ē vala‘au atu ‘iā te oe.

A o oe le Ali‘i e, o le Atua oe lē alofa mutimutivale ma lē alofa fua, o lē telegese lona to‘asā, ‘ae tele le alofa ma le fa‘amaoni.

Le Ali‘i e, lo‘u Atua, ‘ou te vivi‘i atu ‘iā te oe i lo‘u loto ‘atoa; ‘ou te fa‘ane‘ene‘e atu lava i lou suafa e fa‘avavau.

O le aso e puapuagātia ai a‘u, ‘ou te vala‘au atu ai ‘iā te oe; auā ‘e te tali mai ‘iā te a‘u.