Salāmo 88
88
O le Tatalo a le Tagata ‘ua Tigāina
O le pese, o le salāmo lea mā le fānauga a Koru; ma le usu pese i le ma‘alata leanota. O le salāmo e a‘oa‘o ai a Hemana le sa Eserā
1Le ALI‘I e, le Atua o lo‘u olataga,#Sala 22.2; 24.5; Luka 18.7
‘ua ‘ou ‘alaga atu i ou luma i le ao ma le po.
2‘Ia o‘o atu i ou luma la‘u tatalo;
‘ia liliu mai ou fofoga i la‘u vala‘au.
3Auā ‘ua tumu lava lo‘u agaga i mea e tigā ai;#Sala 107.18
‘ua toe lava ‘ina ‘ou o‘o i le tu‘ugamau.
4‘Ua ta‘ufa‘atasiina a‘u ma ē ‘ua ō ifo i le lua;
e tusa a‘u ma le tagata e leai sona malosi.
5‘Ua sa‘oloto a‘u fa‘atasi ma ē ‘ua oti,#Sala 31.12
e pei o ē ‘ua fasia, ‘ua ta‘atitia i le tu‘ugamau,
o ē ‘ua lē toe manatua e oe;
o i latou fo‘i ‘ua fa‘ate‘a‘eseina ma lou ‘a‘ao.
6‘Ua e tu‘uina ifo a‘u i le lua e maulalo lava,
o mea pogisā, o mea loloto lava.
7‘Ua mamafa lou to‘asā i luga ‘iā te a‘u,#Sala 32.4; 42.7
o au galu uma ‘ua e fa‘atigāina ai a‘u. Selā.
8‘Ua e ‘ave mamao ‘iā te a‘u o ē na matou masani#Iopu 19.13; 30.10; Iere 32.2
‘ua e fa‘a‘inosia a‘u e i latou;
‘ua punitia a‘u, ‘ou te lē mafai ‘ona ulufafo.
9‘Ua totō o‘u mata ‘ona o le puapuagā;#Iopu 11.13; Sala 6.7
le ALI‘I e, ‘ua ‘ou vala‘au atu ‘iā te oe i aso uma,
‘ua ‘ou fa‘aloaloa atu o‘u lima ‘iā te oe.
10‘E te faia ‘ea vāvega i ē ‘ua oti?
e tutū mai ‘ea ē ‘ua oti e vivi‘i atu ‘iā te oe? Selā.
11E ta‘ua ‘ea lou alofa i le tu‘ugamau?
pe ta‘ua lou fa‘amaoni i le mea e malaia ai?
12E iloa ‘ea lou vāvega i le pouliuli#Iopu 10.21; Fai 9.5
ma lau amiotonu i le nu‘u e galo ai mea?
13A o a‘u, le ALI‘I e,
na ‘ou ‘alaga atu ‘iā te oe;
e tomua fo‘i la‘u tatalo ‘iā te oe i le taeao.
14Le ALI‘I e,#Iopu 13.24
se a le mea ‘ua e lafoa‘i mai ai ‘iā te a‘u?
se a le mea ‘e te liliu‘ese ai ou fofoga ‘iā te a‘u?
15‘Ua puapuagātia lava a‘u,
ma ‘ua toe ‘ina oti talu ‘ina ‘ou taule‘ale‘a;
‘ua mafatia lava a‘u i āu mea e mata‘u ai,
‘ua ‘ou femēmēa‘i.
16‘Ua o‘o mai i o‘u luga lou to‘asā mamafa;
‘ua fa‘aumatia lava a‘u e āu mea e mata‘u ai.
17E pei o le vai ‘ona latou si‘osi‘o mai ai ‘iā te a‘u i le aso ‘atoa;#Sala 118.10-12
latou te puipui fa‘atasi mai ‘iā te a‘u.
18O le uō ma le aumea ‘ua e ‘ave mamao ‘iā te a‘u,#Iopu 19.13-14
‘ua i le pouliuli fo‘i ē na matou masani.
Currently Selected:
Salāmo 88: RSCB
Highlight
Share
Copy
Want to have your highlights saved across all your devices? Sign up or sign in
Revised Samoan Catholic Bible © Bible Society of the South Pacific, 2010.
