Mar. 16

Jesus nantakmia

(Mat. 28:1-10; Ruk. 24:1-12; Jṉ. 20:1-10)

1Tura ayampratin tsawant naṉkaamasmatai Máktaranmaya̱ Marisha, Sántiaku nukurí̱ Marisha, Sarumáisha, kuṉkuinian Jesusa aya̱shi̱n kuertai tusar sumakarmiayi. 2Tura kashin Tumiṉtin ti káshik nantu yama jiiniai̱ iwiarsamunam jeariármiayi. 3Wésar chichainiak “Iwiarsamu wáitiri̱ kayancha ¿yaki akaṉkétramkattajⁱ?” tiármiayi. 4Jear uunt kaya akaṉkékman wáinkiarmiayi. 5Iwiarsamunam waya̱war natsa puju nuntuarun entsaru untsuurnumaani̱ pujan wáinkiar ti ashamkarmiayi. 6Túmainiakui natsa chichaak “Ashamkairap. Nasarétnumia̱ Jesus krúsnum jakama nu e̱a̱rme. Iniantkímiuiti. Ju̱i̱ pujatsui. Wátsek ikiusmanum iistarum. 7Túrarum werum Pítrusha, chíkich unuiniamuri̱sha ju̱ ujaktarum. Kariréanam atumín émkiyi. Turammarumna núnisaṉ túruna wainkiattarme” tímiayi. 8Nisha ti ashamainiak purushniarar iwiarsamunmaya̱ tseke wéarmiayi. Ti ashamainia ásar chikichkinkesha ujakcharmiayi.

Máktaranmaya̱ Marin Jesus wantintiukma

(Jṉ. 20:11-18)

9Émkaka Tumiṉtin ti káshik Jesus nantaki̱ Máktaranmaya̱ Marin wantintiukmiayi. Nu Marinmaya̱n siati iwianchin Jesus yaunchu ji̱i̱ki̱ akuptúkuyayi. 10-11Marisha Jesusa nemari̱ kúntuts uutu matsatainian werí “Jesus iwiaakui imia wi wainkiajai” tímiayi. Támaitiat anturkacharmiayi.

Jesus jimiará shuaran wantintiukma

(Ruk. 24:13-35)

12Tura urum jimiará shuar Jerusaréṉnumia̱ tsaniṉ wénan Jesus nusháa iira ajas tarimiayi. 13Nisha Jesusan wáinkiar waketkiar unuiniamuri̱n ujakármiayi tura ni chichame̱ncha anturkacharmiayi.

Jesus ni unuiniamuri̱n akupkarma

(Mat. 28:16-20; Ruk. 24:36-49; Jṉ. 20:19-23)

14Nuya̱sha Jesusa aunse unuiniamuri̱ apatuk ekentrar yutai̱niam pekamkar pujuinian Jesus tarí chicharainiak “¿Atumí enentái̱ urukamtai kátsuram ainia, urukamtai Winia nekas enentáimtursachuram?” tímiayi. Ni nantakmiari̱n wáinkiaru chichame̱n anturkacharu ásarmatai kakantramiayi. 15Nuyá̱ chichaak “Ashí nuṉkanam wetarum. Túrarum ashí shuarnum Yusa shiir chichame̱ etserkatarum. 16Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui. 17Shuar winia náarun pachis Yusan nekas enentáimtakka Yusa kakarmari̱n iniakmastaj tusa ju̱na túrawartatui, iwianchin ji̱i̱ki̱ akupkartatui, chíkich chichamja̱i̱ chichasártatui, 18napin achiksha, tseasan úmaksha, jaa ajaschartatui. Jaa shuaran ni uwejé̱ja̱i̱ antiṉ, nu shuaran péṉker awajsártatui” tímiayi.

Jesus nayaimpiniam wakamu

(Ruk. 24:50-53)

19Jesus chichas amukmatai Yus nayaimpiniam jukimiayi. Túruna Yusa untsuurí̱ni̱ pujusmiayi. 20Ni unuiniamuri̱sha jíinkiar ashí nuṉkanam Yus Chichaman etserkarmiayi. Tura Uunt Yus nin yáiṉmiayi. Tura etserainiakui ashí aents ni kakarmari̱n nekaawarat tusa aentsti tujintiamun túratniun susamiayi.

Nuke atí.

Currently Selected:

Mar. 16: jiv

Highlight

Copy