Popular Bible Verses from Mar. 16

Share

Nuyá̱ chichaak “Ashí nuṉkanam wetarum. Túrarum ashí shuarnum Yusa shiir chichame̱ etserkatarum.

Shuar winia náarun pachis Yusan nekas enentáimtakka Yusa kakarmari̱n iniakmastaj tusa ju̱na túrawartatui, iwianchin ji̱i̱ki̱ akupkartatui, chíkich chichamja̱i̱ chichasártatui, napin achiksha, tseasan úmaksha, jaa ajaschartatui. Jaa shuaran ni uwejé̱ja̱i̱ antiṉ, nu shuaran péṉker awajsártatui” tímiayi.

Shuar Kristu nekas Yusa uchirí̱nti tiar tú enentáimtuiniana nu imiani̱ uwemprartatui. Shuar antukcharka tuke sumamawartatui.

Ni unuiniamuri̱sha jíinkiar ashí nuṉkanam Yus Chichaman etserkarmiayi. Tura Uunt Yus nin yáiṉmiayi. Tura etserainiakui ashí aents ni kakarmari̱n nekaawarat tusa aentsti tujintiamun túratniun susamiayi. Nuke atí.

Túmainiakui natsa chichaak “Ashamkairap. Nasarétnumia̱ Jesus krúsnum jakama nu e̱a̱rme. Iniantkímiuiti. Ju̱i̱ pujatsui. Wátsek ikiusmanum iistarum.

Jear uunt kaya akaṉkékman wáinkiarmiayi. Iwiarsamunam waya̱war natsa puju nuntuarun entsaru untsuurnumaani̱ pujan wáinkiar ti ashamkarmiayi.