KI 57
57
Ka avarasia God#Na ki iana o Tavite, i murina i gavatenia o saulo, ma ki oga igê na vaba. #
Ki 108.1-5
1Gu takuiê, God! Gu takuiê,
suria gê ruku i pasimu.
Inê kê ruku i pasimu,
mangara na karena kua, ga rukuruku i bebena kenata
tenigi na roga raha ma na rangi.
2Inê kê avarasia God, i raha teha.
Inê kê avarasia God, i marupeê tare.
3God ki page aganariê, ma ki page hagatahiê,
ma ki page teharira na merongaku.
God ki page hagagirarê, vi ngaia ki takuiê tare,
ma ki hagamonarigi tare na suruha iana tangê.
4Na merongaku ka rihiê.
Ngaira ka mangara na o vasiga,
ga ngaura na enoni.
Na rivota ka masi mangagi na ora ma na mage,
ma na meata ka hagamesira na enoni.
5God, gu hagabângenigi na bâbâhamu raha i vavearo
ma na raramohamu raha i ano hagenani.
6Na merongaku ka tutu kariê.
Inê kê anumanuma bâraha.
Ngaira ka sutasuta kariê,
ma ngaira mareta ka suta igê.
7God, inê kê hagêguri togo ngavê renigo.
Inê be kirigo ma be hagarahasigo.
8Inê be vagevage,
ma be tarugigi na gita ma na ukelele iaku,
ma be hagaritea na arito.
9Araha, inê be visigo koro ma be kirigo
i pasita na enoni, ga hitenigo.
10Na takuiha tarema iamu ki raha teharia na vavearo.
Na monariha iamu ki raha teharia na bevoa i haha.
11God, gu hagabângenigi na bâbâhamu raha i vavearo
ma na raramohamu raha i ano hagenani.
Currently Selected:
KI 57: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
