KI 58
58
Na nunginungi, hanana God ki hagaitangira na enoni era#Na ki iana o Tavite.
1Igamu na maneraha, ga oto vari na suriha iami?
Mu surira maninga vari na enoni hato?
2Igamu kamu katogi ma na tarani, ga era,
ma na tarani na hemerongeana ma na hearihatana.
3Na enoni era ka tasi i surigi na mêrihata hagenani.
Ngaira ka hagahagaparu,
haganega me tenia na matena, ga vora me igê.
4Ngaira ka mangara na ma, ga garera na enoni,
hanana ga meme.
5Ngaira ka bunigi na karingata, ka pe rongorongo,
manga na ma i pe rongoa na viteana
se na vonovonoha iana na avanuna, i hagamanata.
6God, gu barugigi na rivota na o vasiga ngegana,
ma ku ragegi râ na rivo tara oto iata.
7Gu hagamagahurura mangagi na ve, ga mamata i ano.
Gu purira so mangagi na go i tara, ga marama.
8Gu katora, ke mangara na aburu, ga vavave ma ka meme,
se ge mangara na kere kare, ga hagasirira,
ma ki asa, ge rigia na mavetana.
9Ngaira ka para ma, ma ka magahuru,
mangagi na rauga, ga retegi.
Naka ma ngaira ka mamauriga mênga se ga maria,
God ki page rogatenira vê,
suria na mangariaganihana ki manga na roga raha.
10Na enoni, ga tê viteana God, ka page vagevage
renigi na hagaitangiha, ga tarahura na enoni tasi,
suria ga uru igê na gaputa na enoni era.
11Na enoni ka page vi: “I monari!
God ki vurira bâkoro na enoni, ga tê viteana,
ma ki suria na maveta.”
Currently Selected:
KI 58: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
