KI 56
56
Ka raruni togo renia God#Na ki iana o Tavite, i murita na ai ni Pilisitina ga hagatotongoa i Gata. #
1God, gu takuiê,
suria na merongaku ka puriê i ano,
ma ka merongasiê tare.
2Na merongaku ka puriê i ano tare.
Ga rako teha ngavê na enoni,
ga mama i suriê ma ka tarigeniê.
3Araha raramohaga hunigo,
matena gê magu,
inê kê raruni togo renigo.
4Inê kê raruni togo renia God ma kê pe magu.
Inê kê visia raha renigi na suruha iana.
Na ta ka hagavorea tangê na enoni?
5Na merongaku ka uhungia tare, viga erasiê.
Ngaira ka harikato tare reniê.
6Ngaira ka gamorahiê,
ma ka hahutugiê.
7God, gu hagaitangira na enoni era ngegana.
Gu mangariaga tangara ma ku hagavotarira.
8God, igo ko bani girara, hagehita
inê kê arigurigu ma kê angiangi.
Go pe bani segegi so vari
igê na buka iamu?
9Igê na tangiana gê avarasigo igê,
na merongaku ka gavagava.
Inê kê girara nga, vi God na Araha ki tamaniê.
10Inê kê visia raha renigi na suruha iana.
11Inê kê raruni togo renia, ma ki asa, be magu.
Na ta ka hagavorea tangê na enoni?
12God, inê be vogasigo suria na suruha iaku.
Inê be tagarenigi tangago na vogasiha na visiha koro.
13Renia igo ko hagatahiê tenia na mera,
ma ko katoê, kê pe vota.
Tahema, God, inê kê mauri i maamu,
igê na marara,
i mavesira na enoni, ga mauri.
Currently Selected:
KI 56: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
