KI 52
52
Siana ka hagêguri togo renigi na ruruguha#Na vivita iana o Tavite, i murina o Toeki, na mane ni Etome, i râ ki hagarongoa o Saulo, vi o Tavite ki goga i ruma iana o Ahimeleki. #
1Mane ramo, renia ta ko tamasi paroparo
renia na bagaparongamu pusia God,
i hagamonarigi tare na tamasinga iana?
2Igo ko kato erasira na enoni getera,
ma ko guharira ma ko hagaparura tare.
Na meamu ki manga na gê, i masi.
3Na eraha ki aharêsigo teharia na koroha.
Na hagaparunga ki aharêsigo teharia na monariha.
4Igo ko obania ma, vigo hagamamasiagara na enoni
renigi na tamasinga iamu,
igo na mane ni hagaparunga.
5Tahema God ki page hagavotarigo ngavê.
Ngaia ki page tahurugo hura tenia na ruma iamu,
ma ki page hagamagahurugo, ko meme.
6Na enoni, ga koro ma ka oto, ka page magu,
matena ga bâsia na tarana ngekê.
Ma ngaira ka page rurusigo, ka vivi:
7“Bâ, ngaia ki pe hagêguri togo renia God,
hanana i hagatahia.
Ngaia ki hagêguri togo ma hete
renigi na ruruguha raha iana.
Ma na nahuninga rako iana ki asa,
vige hagatahia.”
8Ma inê, inê kê manga na apinige na olive,
i akê i ruma ni rotu iana God na Araha.
Inê kê hagêguri togo tare ma tarema
renia na takuiha iana mareha ki hatohato.
9God inê be visigo koro tare renia na tauhamu.
Inê be hagagirarara na kariamu,
renia vi igo ko koro teha.
Currently Selected:
KI 52: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
