KI 53
53
Na eraha i pasita na enoni#Na ki iana o Tavite.
Ki 14
1Na enoni, ga hagaiga God i mêrihata,#Ro 3.10-12
ka mangara na enoni ga bekabekaga.
Ngaira hato ka erataga,
ma na parongata ka era teha.
I mareha rârâ na vere tage,
vige marupegi na ramata.
2Na Araha God ki hahutugira so na enoni,
hanana i girarara na ani,
ga tako mataha ma ka rahesia.
3Ma ngaira hato ka râ tasi ma ka erataga.
Mareha rârâ, vi na ani gi tage na hitangita,
vige koro.
4Na God na Araha ki hagate, ki vivi:
“Ngaira hato ka hite vari?
I bono na usuta vari na enoni,
ga erataga?
Ngaira ka hanago tenira na kariaku,
ma ka hagamamasiaga apeta.
Ngaira ka tanugi na tarani ngegê,
manga vi na ngêra iata,
ma ka pe rahesiê nikâ.”
5Ma ka page magu teha ngavê na enoni ngegana,
renia God ki page tokorenigi
na surita na merongata na kariana.
God ki bani usitenira noga.
Tahema na Isiraelita ka page teharira
ma ka page hagamakira teha.
6Inê kê nungia God na Araha,
ki hagatahira na Isiraelita.
Ma i ngekana ka page vagevage ma ka obakoro
na kariana na Araha.
Renia na Araha ki page katogi,
ki arâ bâkoro aporo
na ara ni marâ hato tangara.
Currently Selected:
KI 53: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
