KI 45
45
Na ki na hagatakuna na maneraha#Na vivita iata na raraha iana o Kora. Na ki ni takuiha.
1Na tamasinga bâkoro ka râ me tenia na aitangihaku,
matena gê baro ki renia na maneraha.
Na meaku ki manga na ringena na enoni,
i barobaro ki bâkoro.
2Igo, maneraha, go bâkoro teharira na mane hato.
Igo na mane koro ni tamasinga,
suria God ki korokoro tare tangago.
3Gu hugusigo maremu renia na hogosimu,
henia na tatapa borahu,
maneraha raramohaga hunigo.
Igo ko bâ huhungataga bâraha,
ma ko bâ hahaneaga ngavê.
4Gu tagiria na hosi ma ko huhungataga,
manga na maneraha iata na mane ni me,
i tehateha igê na henahuita.
Gu gatagatanigi na monariha ma na otoha
ma na marâ, ga koro ma ka haritagi.
Igo ko page hagabângenia na raramohamu raha,
ma ko page hagakonera ma ko page hagamagusira na enoni,
suria igo ko page teha.
5Ga masi ngavê na mage iamu.
Ngaigi ki takegi na bunaniata na merongamu.
Na enoni, ga pe tongesurigo, Araha,
ka susure ma ka bêrusu i maamu.
6Na arahanga, God ki bani vatego renia,#He 1.8-9
ki page gâga tare ma tarema.
Igo ko marungira na kariamu
igê na tarani, ga oto.
7Igo ko barigigi na tarani, ga koro ma ka oto,
ma ko kitenigi na tarani, ga era.
Tahema na Araha, God iamu,
ki bani monego, ko maneraha.
Ngaia ki ringia hurigo na ramana
teharira na maneraha getera.
8Na tuguni iamu ka sigini koro
renigi na aeni na apinige na mira
ma na apinige na aloe, ma na ago.
Na ruma raha iamu ka hagamahegi
renigi na rivoni na ega ma na bêni manu.
Ma na ringeni na gita i pasimu
ka hagakoro obamu.
9I berarogata na gete raha i pasimu
ka goga igê na kareta na maneraha.
Kaniamu ki oga so henigo igê na atohamu,
ma ki rêni renigi na golo taranini.
10Igo, kaniana na maneraha, gu rongo ma ku karingê.
Siana ko takusira na kariamu ma na goamu.
11Na maneraha ki obanigo suria na bâkorohamu.
Ki tuguhigo, go toto suria,
suria ngaia ki na araha iamu.
12Na ai ni Taire ka page mahata tangago.
Na ani, ga ruruguha i berarogata na enoni,
ka page nakanaka bêta tangago.
13I ruma raha iana na maneraha ki goga na gete iana.
Ngaia ki bâkoro teha renigi na rêni.
Na tuguni iana ka tura igê na mahe na golo
14Ngaia ki tuguni renia na tuguni reoreoga.
Ka merâ tanga na maneraha.
Na tamana na kere gete ka takua,
ma ka tage râ tanga na maneraha.
15Ngaira ka obakoro ma ka vagevage,
matena ga banu i ruma raha iana na maneraha.
16Igo, maneraha iaku,
ga page rako o karemu.
Ngaira ka page heheuri ka maneraha.
Igo ko page hagêgurira,
ka marungia na maveta hagenani.
17Na ki iaku ki page katoa na atamu,
ki rongo raha tare ma tarema.
Ma na enoni hato i maveta
ka page hagarahasigo tare,
ki bê ki arâ.
Currently Selected:
KI 45: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
