KI 46
46
God ki tamanigia#Na ki iata na raraha iana o Kora.
1Na Araha ki na marungaka,
ma ki hagaramonigia.
Ngaia ki nananê tare ni tamanigia
igê na mateni na bagabevoani.
2Tahema ki asa iaka, vige magu,
naka ma i gisigisi na maveta,
ma na barani ka apuri so igê na rutuni.
3Naka ma ki rongo raha na asi,
ma ki arobo na ruarua,
ma ka angingi na hungani.
4Na ve ki gogogo i hinua raha iana na Araha,
ma ki hagakoro obata na kariana
i ruma apuna iana God raha teha.
5God ki goga i ngekana,
ma na merongana ki asa,
vige page hagasuhia.
Matena na kakahuagana na tangiana
ngaia ki page tamanira na kariana.
6Na enoni, ga pe tongesuria na Araha,
ka magu ma ka tari ngerengere,
ma ki hato na raramohata na maneraha iata.
Na ringena God ki rongo manga na akurua,
ma na maveta ki rukunia.
7Na Araha raramohaga hunia ki tamanigia.
Na God, o Jakobo ki rahesia,
ngaia ki na marungaka
8Goaku, mu takusigi na tagara raha iana na Araha,
na mena, ga hagakonera ma ka hagamagusira
na enoni i maveta.
9Ngaia ki hatungigi na hemerongeana i maveta hagenani.
Ngaia ki barugigi na epage ma na ora,
ma ki sungigi na bêata.
10Ngaia ki tamasi, ki vi: “Siana!
Hato na hemerongeana,
suria God inê nga.
Inê kê marungira na ara ni enoni hato.
Inê kê marungia na maveta hagenani.”
11Na Araha raramohaga hunia ki tamanigia.
Na God, o Jakobo ki rahesia,
ngaia ki na marungaka.
Currently Selected:
KI 46: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
