KI 43
43
Na nunginungi iana na enoni mahuara
(Na ki ngekê ki uruia na ki 42)
1God, gu suriê koro, ma ku rohe pusiê
tenira na enoni, ga erataga.
Gu hagatahiê tenira na enoni ni hagaparunga,
ma ka pe oto na tauhata.
2Inê kê gava vê i pasimu, hanana go anumasiê.
Renia ta ko paniê?
Tanu hega kê ama ni hatamigi nga na mamasiaganiha,
na merongaku ka katoê renigi?
3Gu mavesiê renirerua na marara ma na monariha iamu,
hanana garu bêngeniê.
I koro, ngairerua karu hagaporosiê
tanga na Ruma ni Rotu iamu
igê na hungana apuna iamu i Sione.
4Me muri inê be râ tanga na bea ni vogasiha,
suria igo ki na hunana na vagevageha iaku.
Inê be tarugia na gita iaku,
ma be kirigo, God,
ma be kasigo akê, God iaku.
5Tanu hega ki rugu bâraha na obaku?
Renia ta kê anumanuma?
Inê be raruni togo renia na Araha,
ma be hagarahasia nikâ God,
na hagamauri iaku.
Currently Selected:
KI 43: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
