KI 42
42
Na ruata na buka
(Ki 42—72)
Na nungiungi iana na enoni mahuara#Na vivita iata na raraha iana o Kora.
1Tagenana manga na goti, i naasia na ve oto,
inê kê naasigo, God iaku.
2Inê kê magêsigo, God hagamauri iaku.
I na keta kê page girara, gê aporo,
ma kê rahesigo i ruma ni rotu?
3Inê kê angiangi igê na tangiani ma na bungiani.
Inê kê masu ma renigi na tavoni na maaku.
Na merongaku ka hagateê tare, ka vivi:
“I he na animu na God, igo nogamu?”
4Inê kê hetaki bâraha,
bevoana gê takusia aporo na matena i nago.
Inê kê mera haku na enoni hato, ga hagarahe.
Inê kê bêngenira,
matena ga arâ i ruma ni rotu.
Igami kami vagevage, kami kiria na Araha,
ma kami ngerengere, kami visia raha.
5Tanu hega ki rugu bâraha na obaku?
Renia ta kê anumanuma?
Inê be raruni togo renia na Araha,
ma be hagarahasia God,
na hagamauri iaku.
6Inê kê mamahuara ikê, ma kê hetaki bâraha.
Tahema inê kê takusia aporo na Araha.
Na maana na ve i Jotano i hungana i Heremone,
na hungana o Misare.
7Na anumanumaha ki ogo heniê.
Na aripo ka rihiê.
Na bêrugu ka rongo raha,
ma na ve ki ao manga na akurua.
8I na ara ni tangiani na Araha ki hagabângenia,
vi ngaia ki takuiê tare nga.
Vikê igê na bungiani inê kê kiria na Araha,
ma kê rahesia God,
na hagamauri iaku.
9Inê kê vi tanga God, i anumasiê,
kê vi: “Renia ta ko pe tako reniê?
Tanu hega kê ama ni hatamigi nga na mamasiaganiha,
na merongaku ka katoê renigi?”
10Ngaira ka hagamamariê renigi na guhata iata,
suria ngaira ka ama ni hagateê, ka vi:
“Na God iamu i he? I he ngaia?”
11Tanu hega ki rugu bâraha na obaku?
Renia ta gê anumanuma?
Inê be raruni togo renia na Araha,
ma be hagarahasia God,
na hagamauri iaku.
Currently Selected:
KI 42: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
