KI 41
41
Na nunginungi iana na enoni i maeha#Na ki iana o Tavite.
1Ga babarisi na enoni,
ga tako renira na enoni matareha.
Na Araha ki page tamanira,
matena i tarahura nogata na mamasiaganiha.
2Na Araha ki page anumasira,
ma ki page marupera.
Ngaia ki page katora, ka vagevage
igê na agua ni suruha.
Ngaia ki asa, vige page panira
tangara na merongata.
3Matena ngaira ka ape era,
na Araha ki page tamanira
ma ki page hagakomagara.
4Inê kê bani nungi, kê vi: “Araha,
inê kê tasi, gê pe tê viteamu.
Gu takuiê, ma ku hagakomagê.”
5Na merongaku ka tamasi erasiê.
Ngaira ka obaniê, vigê meme,
ma ka bonoteniê.
6Na enoni, ga vatugiê,
ka koro na tamasinga iata.
Ma igê na aitangihata
ngaira ka manavateniê.
Ngaira ka bâbâ renia,
vi manga i he na mera iaku,
ma ka hura ka hagarongo rârâ reniê.
7Na enoni hato, ga kiteniê,
ka hahanguru reniê,
ma ka naasiê renia na mera raha ngavê.
8Ngaira ka vi: “Na mera ki page torea.
I asa, vige page ragêgana nikâ.”
9Na tamaku koro, gê raruni togo renia,#Mt 26.23; Mk 14.18; Lk 22.21; Jn 13.18
ma kê mebêrihu,
ngaia nogana ki erasiê.
10Araha, gu takuiê ma ku hagakomagê,
hanana gê naka na siva tangara na merongaku.
11Inê kê page girara, vi inê kê hagakoro obamu,
renia ga page votavota na merongaku.
12Igo ko page tamaniê,
renia gê katogi na tarani, ga oto,
ma inê kê page goga tare i pasimu.
13Ka kasia akê na Araha,#Ps 106.48
na God ga rahesia na Isiraelita!
Ka hagahigasia nga, ki bê ki arâ!
Monari! Monari!
Currently Selected:
KI 41: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
