KI 40
40
Hagarahasia God#Na ki iana o Tavite.
1Inê kê piringiape,
ma kê naasia na Araha, ki tamaniê.
Ngaia ki karingê,
ma ki aganaria na angiha iaku.
2Ngaia ki okeê akê tenia na kiru ni mera,
tenia na sugusugu ni mera.
Ngaia ki hagêrasiê igê na agua mamata,
ma ki katoê, kê ape tatara.
3Ngaia ki hagesuriê renia na ki haoru,
hanana gê kiria igê God iaku,
ma kê visia raha.
Rako na enoni, ga rongoa, ka page konekone,
ma ka page hagêguri togo renia na Araha.
4Ga babarisi na enoni, ga raruni togo renia na Araha,
ma ka pe hagarapera na ataro,
se ga hakunira na ani, ga vogasira.
5Araha God iamami,
igo ko bani hagarakonigi
na tagaraha koro tangagami.
Igo ko bani hagarakonigi
na katoha koro tangagami.
Ngaigi hato ka rako teha,
ma ki bara, ve tomanigi.
Igo getego ma ko teha!
6Igo ko pe obanigi na vogasiha ma na votovoto,#He 10.5-7
se ga vogasigo renigi na puruka se na sipi,
ga sungigi igê na bea ni vogasiha.
Igo ko usitenigi na vogasiha
tanga na bonoteniha na tasi.
Ma igo ko obaniê hete,
vigê têtê viteamu.
7Tahema inê kê arami, kê vi: “Inê ikê.
Na tamasinga iamu tangê
ka goga igê na buka ni ramata.
8Inê kê mage ni râ surigi na obaniha iamu.
Na hagesuringa iamu ki nganganihaga
igê na aitangihaku, God iaku.”
9Matena na kariamu hato ka hagarahe haku,
inê kê tarohenia na taroha koro renigo,
vigo hagatahigami, Araha.
Igo ko bani girara,
vi inê kê ama ni tarohenia tare nga
na taroha koro renigo.
10Inê kê pe munia so tangê mareku
na taroha renia na tahinga.
Inê kê bani tamasigi mave tare
na monariha ma na hetamaniha iamu.
Matena na kariamu hato ka rotu haku,
inê kê pe muni tenia ni visigi
na monariha ma na takuiha tarema iamu.
11Araha, inê kê bani girara,
vi igo ko ama ni takuiê tare nga.
Na takuiha ma na monariha iamu
karu page marupeê
ma karu page anumasiê tare.
Avarasia na Araha
Ki 70
12Rako na eraha ka rihiê.
I asa be tomanigi.
Na ginoku era ka rubuhiê.
Ma ki asa be bâbâ.
Ngaigi ka rako teharigi na varehu i bêku,
ma kê pe hagêguri togo.
13Gu hagatahiê, Araha!
Gu tamaniê i ngekê!
14Na enoni ka rapasia, viga nahuiê kê meme.
Gu teharira ma ku hagamakira ngavê,
hanana ga raruni suka.
Ngaira ka rapasia, viga erasiê.
Gu paira ma ku hagamakira.
15Ngaira ka rurusiê.
Gu katora, ke tangahurira,
suria ga pe teha.
16Go katora na enoni, ga tari surigo,
ka vagevage ma ka obakoro.
I ararira, ga visigo koro,
renia go hagatahira.
I ararira, ga vivi tare:
“Na Araha i teha!”
17Inê kê bagubaguruga ma kê matareha,
ma igo, Araha, ko pe bonoteniê.
Igo ko tamaniê ma ko hagatahiê.
Siana ko kakaviaga, God iaku!
Currently Selected:
KI 40: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
