KI 39
39
Na nungi iana na enoni i maeha#Na ki iana o Tavite.
1Inê kê vi i obaku,
kê vi: “Be hinahinaru,
hanana siana ki hagatasiê na meaku.
Inê kê pe visia ta na marâ,
matena ga goga na enoni,
ga pe tongesuria God na Araha.”
2Inê kê muni ma, ma kê pe tamasi rârâ.
Inê kê pe visia rârâ ta na marâ koro nikâ.
Ma na mamasiaganiha iaku ki aharêsiê ngavê,
3ma kê anumanuma bâraha.
Inê kê takotako bâraha,
ma na anumanumaha ki raharaha nikâ.
Memuri inê kê tamasi, kê hagate vikê:
4“Araha, gê gâga arihu mênga vari?
I na keta inê kê page meme igê?
Visia me na matena, gê page magahuru igê.”
5Igo ko katogi tani ma na kikihuni na mauriku.
Tangago igo na mêrihaku ikê ki pe raha.
I monari, na mêrihata na enoni i maveta
ka manga na kere manavasua gi tage ma,
6manga na nununa i ritare.
Na marâ ma i katoa,
ngaia ki tagara pura ma!
Ngaia ki tonganigi na ruruguha,
ma ki pegirara,
vi o ti ki page nahunigi.
7Ma na ta ma be naasia, Araha?
Inê kê raruni togo renigo hete.
8Gu bonotenigi na ginoku era,
ma ku hagakomagê.
Siana na enoni, ga pe hinaru,
ka meêmarabe.
9Inê be muni, ma be pe tamasi rârâ,
suria igo nga ko hagamamasiagê vikana.
10Siana ko ama ni hagaitangiê nga.
Inê kê sugi meme noga,
suria go tahuruê.
11Igo ko ramonia na enoni renigi na ginona era,
ma ko hagaitangia renigi.
Igo ko erasigi hagetage manga na hasikoko
na marâ manimani iata na enoni.
I monari, na mêriha iata na enoni i maveta
ki manga na kere manavasua gi tage ma.
12Araha, gu aganaria na nunginungi iaku,
ma ku karinga na angiha iaku.
Gu tamaniê, matena gê angiangi.
Inê kê ri i pasimu
mangara na uvariku hato.
13Gu nakê so inê,
hanana ve vagevage sisite
i nago tarana gê magahuru ma kê meme.
Currently Selected:
KI 39: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
Free Reading Plans and Devotionals related to KI 39
Hope for the Troubled Heart
BibleProject | What Gives You Hope?
Reading With the People of God #7 Commitment
