KI 38
38
Na nungi i na matena na mamasiaganiha#Na ki iana o Tavite, hanana ga takusia.
1Siana ko ramoniê, Araha,
ma siana ko mangariaga tangê.
Siana ko hagaitangiê,
ma siana ko naka na siva tangê.
2Igo ko hagamamariê renigi na mage iamu,
ma ku tahuruê, kê tâ so i ano.
3Inê kê hatamigi na mamasiaganiha raha,
renia go mangariaga tangê.
Na apeku hagenani ki mangusi agani
renigi na ginoku era.
4Na ginoku era ka manga na ve, i maganu,
i toreê ma kê tono igê.
Ngaigi ka higeê bâraha,
hanana vi ve toregi.
5Na maara iaku ka babasu ma ka mapu,
suria inê kê pe hinaru.
6Inê kê maroro so, ki tariha i ano.
Inê kê angi maramara
i na ara ni tangiani.
7Ki rarata na apeku ma kê matoro,
ma kê sugi meme noga.
8Ki meme na apeku hagenani,
ma kê mangusi bâraha.
Ki hepehepe na matoku,
renia gê anumanuma,
ma kê gegege renigi na mamasiaganiha.
9Araha, igo ko bani girara na marâ,
gê naasia bâraha,
suria go rongoê, gê gegege.
10Ki tagara rêrê na bunaniaku,
ma kê mameaga,
ma karu vahagaga na maaku.
11Na tamaku ma na enoni i pasiku
ka hagarisiê.
Ma na goaku ka hagarisiê nogata,
suria gê babasu.
12Na enoni, ga merongasiê, ka tutu kariê.
Na merongaku ka hagamakukiê
ma ka harikato reniê tare.
13Inê kê manga na enoni, i pungu na karingana,
ma ki asa, be rongorongo.
Inê kê manga na enoni, i bi na harana,
ma ki asa, be tamasi.
14Inê kê manga na enoni, i pe tamasi bê aporo,
suria i asa, be rongorongo.
15Ma inê kê hagêguri togo renigo, Araha,
suria igo ko page aganariê,
Araha God iaku.
16Siana na merongaku ka makimaki teniê
igê na mamasiaganiha iaku.
Siana ngaira ka ngiringiriê,
suria gê vota.
17Inê kê sugia ma be vota,
ma kê mamasiaga tare.
18Inê kê visigi mataha na tasi iaku,
ma kê angitenigi.
19Na merongaku ka apekoro ma ka ramoramo,
ma na ani, ga ruhiê purua ma, ka rako.
20Na enoni, ga barugi na korohaku renigi na eraha,
ngaira ka merongasiê,
suria gê rapasia na otoha.
21Siana ko paniê, Araha!
God, siana ko hagarisiê!
22Gu tamaniê nga i ngekê,
Araha ma hagamauri iaku!
Currently Selected:
KI 38: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
