KI 36
36
Na eratana na enoni#Na ki iana o Tavite, na kariana na Araha.
1Na tasi ki aharêsira na enoni.#Ro 3.18
Ngaira ka usitenia God
ma ka pe hanetasia.
2Suria ngaira ka hagarahasira mareta,
ngaira ka takusia ma, vi God ki pe giraragi
na tasi iata ma ki pe kikitenigi.
3Ngaira ka hagabeka ma ka hagaparu.
Ngaira ka bani kasigi vê
na paronga koro ma oto.
4Ngaira ka katogi na katoha era,
matena ga tâtâ i banata.
Ngaira ka ategi na tarani, ga pe oto,
ma ka pe kikitenigi na eraha.
Na korohana na Araha
5Araha, na takuiha tarema iamu
ki raha teha manga na vavearo.
Ma na monariha iamu ki raha teha
manga na bevoa i haha.
6Na otohamu ki akê mangagi na barani.
Na suriha iamu ki manga na matava tara.
Igo ko marupera na enoni
ma na marâ hato, ga mauri.
7God, na takuiha tarema iamu
ki koro teha ngavê,
ma ki hagakoro obamami.
Igo ko anumasigami,
manga na kua, i anumasira na karena,
ga rukuruku i gagahana.
8Igami kami vagevagesigi na ngêra raha,
go vategami bâraha.
Igo ko hagatonomigami renia na korohamu,
i gogo manga na ve raha.
9Igo ki na hunani na mauriha hato,
ma ko mavesigi na obamami.
10Gu ama ni takuira nga na enoni,
ga aitangisigo.
Gu ama ni korokoro nga tangara na enoni,
ga koro ma ka oto i maamu.
11Siana na enoni, ga paroparo,
ka purisiê ma ka puriê.
Siana na enoni, ga erataga,
ka hagavasiê tenira.
12Na enoni era ka vota so ikana.
Bâ, ngaira ka abahigi na maata,
ma ki asa, vige page ura haraga.
Currently Selected:
KI 36: KCB
Highlight
Share
Copy
Want to have your highlights saved across all your devices? Sign up or sign in
© 2011 Bible Society of the South Pacific
