Markus 1

De Deepa Johanes

(Mat 3,1-12; Luk 3,1-18; Joh 1,19-28)

1Daut Evangelium von Jesus Christus, Gott sien Sän, #1,1 Eenje oole Schreften sajen nich Gott sien Sän. funk soo aun: 2Em Profeeten Jesaja #1,2 Eenje oole Schreften sajen En de Profeeten. steit soo jeschräwen:

“Ekj schekj eenen met eene Norecht,

dee fa mie woat dän Wajch reed moaken”. #Mat 11,10

3“Eene Stemm, dee en de Wiltnis lud roopen woat:

Moakt däm Harn eenen Wajch reed!

Moakt am eenen jlikjen Stich!” #Jes 40,3; Mal 3,1

4Doaropp kjeem Johanes de Deepa #1,4 Eenje oole Schreften sajen un deept. en de Wiltnis un prädijd, daut see omkjieren sullen un sikj deepen loten, daut an de Sinden vejäft worden. 5Un daut Volkj von gaunz Judäa un aulemaun von Jerusalem jinkj han un leet sikj von am em Jordan deepen un bekjanden äare Sinden. 6Johanes druach een Kjleet von Kameelenhoa, un eenen ladanen Gort om de Hoften, un hee eet Graushoppa un willen Honnich. 7Hee prädijd un säd: No mie kjemt eena, dee stoakja es aus ekj, un ekj sie daut nich emol wieet, daut ekj mie ver am bekj, de Schoobenja optoleesen. 8Ekj deep junt met Wota; dee oba woat junt met däm Heiljen Jeist deepen.

Jesus woat jedeept un uk vom Soton vesocht

(Mat 3,13—4,1; Luk 3,21-22; 4,1-13; Joh 1,32-34)

9Un daut kjeem soo rom, daut Jesus en dee Tiet von Nazaret no Galiläa kjeem un sikj von Johanes em Jordan deepen leet. #Luk 2,51 10Un sooboolt aus hee ut daut Wota stieech, sach hee, daut sikj de Himmel opmuak un daut de Jeist sikj soo aus eene Duw opp am sad. 11Un eene Stemm vom Himmel säd: Du best mien leewa Sän, met die sie ekj sea tofräd. #Mrk 9,7

12Un fuaz doaropp bedwunk de Jeist am rut en de Wiltnis to gonen. 13Un hee wia 40 Doag en de Wiltnis mank de Tieren un wort vom Soton vesocht, un de Enjel bedeenden am.

Jesus fangt sien Woakj aun

(Mat 4,12-17; Luk 4,14-15)

14Un aus Johanes ieescht faustjenomen wia, kjeem Jesus no Galiläa un prädijd daut Evangelium vom Rikj Gottes, 15un säd: De Tiet es jekomen, un daut Rikj Gottes es hia. Kjieet om un jleeft aun daut Evangelium! #Gal 4,4

Jesus beroopt vea Fescha aus Jinja

(Mat 4,18-22; Luk 5,1-11)

16Aus Jesus aum galiläischen Mäa velenjd jinkj, sach hee Simon un sienen Brooda Andreas äare Nats em Wota schmieten, wiels daut wieren Fescha. 17Un Jesus säd to an: Komt un folcht mie no; ekj woa junt to Menschenfescha moaken! 18Un fuaz oppe Städ veleeten see äare Nats un jinjen met am. 19Un aus hee een bät wieda jinkj, sach hee Jakobus, Zebedäus sienen Sän, un Johanes, waut dän sien Brooda wia, woo see en eene Lomm äare Nats flekjten; 20Un hee siemd nich dee uk to roopen. Un dee leeten äaren Voda Zebedäus met äare aunjenomne Mana en de Lomm un jinjen met am.

Jesus bewiest siene Macht

(Luk 4,31-37)

21Un see jinjen no Kapernaum. Un aus de Sabat kjeem, jinkj Jesus en de Judenschool nenn un funk aun to lieren. 22Un see staunden äwa siene Lia; wiels hee lieed jewaultich un nich soo aus de Schreftjelieede. #Mat 7,28-29 23Un jrod dan wia en äare Judenschool een Maun, met eenem orreinen Jeist. Dee Jeist schrieech 24un säd: Waut hab wie met die to doonen, Jesus von Nazaret? Best du jekomen ons to vedoawen? Ekj weet wäa du best: Gott sien Heilja. #Mrk 5,7 25Jesus dreiwd am, befool am stell to sennen un dän Maun to veloten. 26De beesa Jeist kjwäld dän Maun schrakjlich un kjeem met een grootet Jeschrech rut. #Mrk 9,26 27Un aulemaun staund doaräwa, soo daut see sikj unjarenaunda fruagen: Waut es dit? Eene niee Lia? Hee haft Jewault äwa de orreine Jeista un dee jehorchen am! 28Oba waut Jesus jedonen haud, räd sikj schwind runt, soo daut see daut boolt aulawäajen en Galiläa wisten.

Jesus heelt Petrus siene Schwieemutta un väl aundre Kranke

(Mat 8,14-17; Luk 4,38-41)

29Sooboolt aus see #1,29 Eenje oole Schreften sajen hee. de Judenschool veleeten, jinjen Jesus, Jakobus un Johanes met Simon un Andreas met no äare Woninj. 30Un see säden Jesus daut, daut Simon siene Schwieemutta krank em Bad wia, un Feeba haud. 31Hee jinkj han, foot ar aun de Haunt un holp ar opp. Daut Feeba veleet ar un see funk aun an to bedeenen.

32Aus dan zeowes ieescht de Sonn unja wia, worden aulahaunt kranke un besätne no Jesus jebrocht. 33De gaunze Staut saumeld sikj ver de Däa. 34Un Jesus heeld väl von äare veschiedne Krankheiten. Hee dreef väl beese Jeista rut. Hee leet de Jeista oba nich räden, wiels dee wisten wäa hee wia. #Apost 16,17-18

Jesus prädicht en Galiläa

(Luk 4,42-44)

35Un näakjsten Morjen tiedich bie diesta stunt Jesus opp, veleet daut Hus un jinkj no eene eensome Städ toom bäden. #Mat 14,23; 26,36; Luk 5,16; 11,1 36Petrus un dee waut bie am wieren, sochten sikj am. 37Un aus see am fungen, säden see: Aulemaun sieekjt no die! 38Jesus säd: Well wie aundatwäajen hangonen, no de Darpa dee dicht bie sent, daut ekj doa uk prädjen kaun. Daut es wuatoo ekj jekomen sie. 39Un doaropp reisd hee derch gaunz Galiläa, prädijd en äare Judenschoolen un dreef beese Jeista ut.

Jesus heelt een Leprakranken

(Mat 8,1-4; Luk 5,12-16)

40Een Leprakranken kjeem no am, foll opp de Kjneeen un prachad am om jereinicht to woaren un säd: Wan du west kaust du mie reinjen. 41Jesus jaumad daut äwa am. Hee strakjt siene Haunt ut, daut hee am aunschieed, un säd: Ekj woa daut doonen; sie rein! 42Un aus hee daut säd, kjeem de Krankheit rut, un hee wia rein. 43Jesus schekjt am fuaz wajch un woarnd am strenj #Mrk 3,12 44un säd: See doano, daut du daut kjeenem sajen woascht. Oba go un stal die dän Priesta väa, un brinj soo aus Moses befolen haft, de Opfa aus eenen Bewies fa diene Reinjunk. #3Mo 14,2-32; Mrk 7,36 45Hee oba jinkj rut un muak de gaunze Jeschicht bekaunt. Hee räd soo väl doavon daut Jesus nich mea frie en eene Staut nenn gonen kunn, un mea en wietleftje Jäajenden bleef. Un doch kjeemen de Menschen von aulawäajen no am.

Currently Selected:

Markus 1: PB

Highlight

Copy