Popular Bible Verses from Markus 1

Share

Un näakjsten Morjen tiedich bie diesta stunt Jesus opp, veleet daut Hus un jinkj no eene eensome Städ toom bäden.

un säd: De Tiet es jekomen, un daut Rikj Gottes es hia. Kjieet om un jleeft aun daut Evangelium!

Un sooboolt aus hee ut daut Wota stieech, sach hee, daut sikj de Himmel opmuak un daut de Jeist sikj soo aus eene Duw opp am sad. Un eene Stemm vom Himmel säd: Du best mien leewa Sän, met die sie ekj sea tofräd.

Ekj deep junt met Wota; dee oba woat junt met däm Heiljen Jeist deepen.

Un Jesus säd to an: Komt un folcht mie no; ekj woa junt to Menschenfescha moaken! Un fuaz oppe Städ veleeten see äare Nats un jinjen met am.

Un see staunden äwa siene Lia; wiels hee lieed jewaultich un nich soo aus de Schreftjelieede.