Números 33
33
Egiptomanta lloqsispa Israel miraykunapa mayninmi risqankumanta
1-2Moisespa chaynataq Aaronpa pusasqanmi Israelpa mirayninkuna tropa-tropa Egiptomanta lloqsimurqaku. Tayta Dios kamachisqanman hinam lloqsimusqankumanta qallaykuspa sapa samasqanku sitiokunapa sutinta Moisés qellqarqa.
3Punta kaq killapa chunka pichqayuq punchawninpim Pascua fiestapa paqarinnintinta llumpay qari-qarillaña lloqsimurqaku. Ramsés llaqtamantam Egipto runakunapa qawasqanta lloqsimurqaku. 4Egipto runakunapa piwi wawa-churinkuta Tayta Dios wañurachiptinmi pampanankukama Israelpa mirayninkuna lloqsimurqaku. Chay punchawpim Egiptopa diosninkunata Tayta Dios penqayman churarqa.
5Israelpa mirayninkunam Ramsés llaqtamanta lloqsispanku Sucotpi samarurqaku.
6Sucotmanta lloqsispankum Etam law chunniqpa patanpi samarurqaku.
7Etammantam Baal-zefonpa chimpan Pi-hahirot lawman muyururqaku hinaspam Migdol lawpa chimpanpi samarurqaku.
8Pi-hahirotmanta lloqsispankum lamar qochapa chawpinta chunniqman chimparurqaku. Etam chunniqpi kimsa punchaw purispankum Marapi samarurqaku.
9Maramanta lloqsispankum Elimman chayaruspa chaypi samarurqaku, chaypim chunka iskayniyuq pukyukuna chaynataq qanchis chunka palmera sachakuna karqa.
10Elimmanta lloqsispankum Puka lamar qochapa hichpanpi samarurqaku. 11Puka lamar qochamanta lloqsispankum Sin chunniqpi samarurqaku.
12Sin chunniqmanta lloqsispankum Dofcapi samarurqaku.
13Dofcamanta lloqsispankum Aluspi samarurqaku.
14Alusmanta lloqsispankum Refidim lawpi samarurqaku, chaypim runakunapa tomananpaq mana yaku karqachu.
15Refidimmanta lloqsispankum Sinaí chunniqpi samarurqaku.
16Sinaí chunniqmanta lloqsispankum Kibrot-hataavapi samarurqaku.
17Kibrot-hataavamanta lloqsispankum Hazerotpi samarurqaku.
18Hazerotmanta lloqsispankum Ritmapi samarurqaku.
19Ritmamanta lloqsispankum Rimón-perespi samarurqaku.
20Rimón-peresmanta lloqsispankum Libnapi samarurqaku.
21Libnamanta lloqsispankum Rissapi samarurqaku.
22Rissamanta lloqsispankum Ceelatapi samarurqaku.
23Ceelatamanta lloqsispankum Sefer orqopi samarurqaku.
24Sefer orqomanta lloqsispankum Haradapi samarurqaku.
25Haradamanta lloqsispankum Macelotpi samarurqaku.
26Macelotmanta lloqsispankum Tahatpi samarurqaku.
27Tahatmanta lloqsispankum Tarapi samarurqaku.
28Taramanta lloqsispankum Mitcapi samarurqaku.
29Mitcamanta lloqsispankum Hasmonapi samarurqaku.
30Hasmonamanta lloqsispankum Moserotpi samarurqaku.
31Moserotmanta lloqsispankum Bene-jaacanpi samarurqaku.
32Bene-jaacanmanta lloqsispankum Gidgad orqopi samarurqaku.
33Gidgad orqomanta lloqsispankum Jotbatapi samarurqaku.
34Jotbatamanta lloqsispankum Abronapi samarurqaku.
35Abronamanta lloqsispankum Ezion-geberpi samarurqaku.
36Ezion-gebermanta lloqsispankum Zin otaq Cades chunniqpi samarurqaku.
37Cadesmanta lloqsispankum Hor orqopi samarurqaku. Chay orqoqa Edom nacionpa patanpim kachkan. 38#Nm 20.22-28; Dt 10.6.Tayta Diospa nisqanman hinam, Hor orqoman sacerdote Aarón qespirqa, hinaspam chaypi wañukurqa pichqa kaq killapa punta kaq punchawninpi, Israelpa mirayninkuna Egipto nacionmanta tawa chunka wata lloqsimusqanku hawaña. 39Aaronqa pachak iskay chunka kimsayuq watanpim Hor orqopi wañukurqa.
40 #
Nm 21.1. Neguev law Arad llaqtapi yachaq cananeokunapa reyninmi Israelpa mirayninkuna chayaramusqanta yacharurqa.
41Hor orqomanta lloqsispankum Zalmonapi samarurqaku.
42Zalmonamanta lloqsispankum Punonpi samarurqaku.
43Punonmanta lloqsispankum Obotpi samarurqaku.
44Obotmanta lloqsispankum Ije-abarimpiña samarurqaku, chayqa Moabpa patanpim kachkan.
45Ije-abarimmanta lloqsispankum Dibón-gadpi samarurqaku.
46Dibón-gadmanta lloqsispankum Almón-diblataimpi samarurqaku.
47Almón-diblataimmanta lloqsispankum Nebo orqopa chimpan Abarim orqopi samarurqaku.
48Abarim orqomanta lloqsispankuñataqmi Nebo orqopa chimpan Moab chunniq pampapi samarurqaku, chay pampaqa Jordán mayupa hichpan Jericó llaqtapa chimpanpim kachkan. 49Chaymantam Jordán mayupa hichpanpi campamentonkuta sayachirqaku, Bet-jesimot llaqtamanta qallarispa Abel-sitimkama; chaykunaqa Moab nacionpa pampankunapim kachkan.
Canaán allpata imayna partenakunankumanta
50-51Israelpa mirayninkuna, Moab nacionpa pampankunapi otaq Jordán mayupa hichpan Jericó llaqtapa chimpanpi kachkaptinkum, paykunaman ninanpaq Moisesta Tayta Dios kaynata nirqa:
Jordán mayuta chimparuspa Canaán allpaman yaykuspaykichikmi 52chaypi yachaq runakunata qarqonkichik, rumimanta hinaspa metalkunata chulluchispa ruwasqa llapallan idolokunatapas ñutunkichikmi. Moqokunapi capillankutapas lliwtam purmachinkichik. 53Chay allpapi runakunata qarqospaykichikmi chaypi yachankichik, chay allpataqa ñoqam qamkunapaña kananpaq qoykichik. 54Allpataqa ayllun-ayllunmi sorteaspa sapakama chaskinkichik. Achka kaqkunamanmi hatunta qonkichik, aslla kaqkunamanñataqmi taksallata qonkichik. Tupasusqaykichikman hinam ñawpaq taytaykichikpa mirayninman hina sapakama maylawtapas chaskinkichik. 55Chay allpapi yachaq runakunata mana qarqoptikichikqa hinalla kaspankum ñawikichikpi astilla otaq waqtaykichikmanta tipasuqnikichik kichka hina kanmanku, hinaspam yachasqaykichik allpapi ñakarichisunkichikman. 56Ñoqapas enemigoykichikwan imam ruwanayta hinam qamkunawan ruwasaq, nispa.
Currently Selected:
Números 33: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012