Números 34
34
Canaán allpapa linderonkunamanta
1-2Israelpa mirayninkunaman kamachinanpaqmi Moisesta Tayta Dios kaynata nirqa:
Canaán allpaman yaykuruptikichikmi chay allpaqa qamkunapaña kanqa. Linderonkunañataqmi kaykuna kanqa: 3Sur lawmanmi kanqa Zin chunniqmanta qallarispa Edom nacionpa patankama; intipa qespimunan lawmanta qallarispam Puchqo lamar qochakama chayanqa. 4Hinaspam Acrabim qasanta Zin chunniqkama muyurimunqa. Chaymantam sur lawman Cades-barnea lawninta rispan Hasar-adar llaqtanta Asmón lawkama chayanqa. 5Asmón lawmantañataqmi muyurimunqa Egipto wayqonta Mediterráneo lamar qochakama.
6Intipa seqaykunan lawmanñataqmi Mediterráneo lamar qochakama chayanqa.
7Norte lawmanñataqmi kanqa Mediterráneo lamar qochamanta qallarispa Hor orqokama. 8Hor orqomantañataqmi Hamat lawman yaykunakama rispan Zedad llaqtakama chayanqa. 9Chaymantañataqmi Zifrón llaqtanta rispa Hazar-enán llaqtapi tukurunqa. Chaynam norte lawpi linderoykichikqa kanqa.
10Intipa qespimunan lawpi linderoykichikmi ichaqa derecholla rinqa Hazar-enanmanta qallarispa Sefam lawkama. 11Sefam lawmantañataqmi uraykunqa Riblakama, Riblaqa kachkan Aín lawpi intipa qespimunan lawninpim. Chaymantam intipa qespimunan lawman uraykuspan chayanqa Cineret sutiyuq qochapa patankama. 12Chaymantañataqmi Jordán mayuntakama uray lawman rinqa Puchqo lamar qochapi tukunankama, chaykunam allpaykichikpa muyuriqninpi linderokuna kanqa.
Canaán allpata imaynam partenakunankumanta
13 #
Nm 26.52-56. Israelpa mirayninkunatam Moisés kaynata kamachirqa:
Chay allpatam qamkunapaña kananpaq sorteaspa partenakunkichik, Tayta Diosmi kamachikurqa isqonnintin ayllukunaman chaynataq Manasespa wakin ayllunmanpas partenaykichikpaq. 14Rubén aylluwan Gad ayllu chaynataq Manasespa wakin ayllunmi ichaqa, Jericopa chimpan Jordán mayupa waklawninpi herenciankuta chaskirunkuña. 15#Jos 14.1-5.Chaynaqa, iskay ayllu partenmi herenciankuta chaskirunkuña Jordán mayupa waklawninpi otaq Jericó llaqtapa chimpan intipa qespimunan lawpi, nispa.
16Moisestam Tayta Dios nirqa:
17Chay allpataqa Sacerdote Eleazarwan Nunpa churin Josueymi partenqaku. 18Sapa ayllumantam allpa parteypi yanapakunankupaq kay kamachikuqkunata akllankichik:
19Judá ayllumanta Jefonepa churin Calebta.
20Simeón ayllumanta Semuelpa churin Amiudta.
21Benjamín ayllunmanta Quislonpa churin Elidadta.
22Dan ayllumantam Joglipa churin Buqui sutiyuq kamachikuqta.
23Joseypa miraynin Manasés ayllumanta Efodpa churin Hanielta. 24Efraín ayllumanta Siftanpa churin Kemuelta.
25Zabulón ayllumanta Parnacpa churin Elizafanta.
26Isacar ayllumanta Azanpa churin Paltielta.
27Aser ayllumanta Selomipa churin Ahiudta.
28Neftalí ayllumanta Amiudpa churin Pedaelta.
29Chay kamachikuqkunatam Tayta Dios kamachirqa Israelpa mirayninkunaman Canaán allpa parteypi yanapakunankupaq.
Currently Selected:
Números 34: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012