Marcos 9

1Cheqaptapunim nikichik, kaypi kaqkunamantam wakiqninku mana wañunqachu Diospa munaychakuynin atiywan hamuqta rikunankukama, nispa.

Jesuspa rikchaynin tikrakurusqanmanta

(Mt 17.1-13. Lc 9.28-36)

2 # 2 Pe 1.17-18. Soqta punchaw pasaruptinmi orqoman Jesús qespirqa, Pedrota, Jacobota hinaspa Juanta pusarikuspan. Chaypim paykunapa qayllanpi Jesuspa rikchaynin tikrakururqa. 3Pachanmi riti hina kancharichkaq rikurirurqa, manam pipas kay pachapi chayna yuraq-yuraq kanankamaqa taqsayta atinmanchu. 4Hinaptinmi Eliastawan Moisesta Jesuswan rimachkaqta rikururqaku. 5Chaymi Jesusta Pedro nirqa:

¡Yachachikuq, allinmi kaypi kayniykuqa! Kimsa chukllakunatayá ruwarusaqku, hukta qampaq, hukta Moisespaq, huktañataq Eliaspaq, nispa.

6Mancharisqa kasqankuraykum Pedroqa mana musyakustin chaynata rimarurqa. 7#Mt 3.17; Mr 1.11; Lc 3.22.Hinaptinmi puyu rikuriykamuspa paykunata pampaykurqa, chay puyu ukumantam huk rimay uyarikamurqa:

Paymi kuyasqay Churiy, payta uyariychik, nispa.

8Qonqayta muyuriqninkuta qawarispankum manaña pitapas rikurqakuchu, aswanqa Jesusllatañam.

9Orqomanta uraykamuchkaptinkum paykunata Jesús nirqa, qawasqankuta ama pimanpas willakunankupaq, runapa Churin wañusqanmanta kawsarimunankama.

10Chaynapim paykunaqa mana pimanpas willakurqakuchu, ichaqa kikinkupuram tapunakurqaku imam chay wañusqamanta kawsarimuy kasqanta.

11 # Mal 4.5; Mt 11.14. Chaymi Jesusta tapurqaku:

¿Imanasqataq Diospa leynin yachachiqkuna ninku “puntataqa Eliasmi hamunqa?” nispanku.

12Hinaptinmi Jesusñataq nirqa:

Arí, Eliasmi puntamunqa hinaspam tukuy imata allichanqa. ¿Manachu Diospa Qellqanpi nin: “Runapa Churinqa ñakarichisqa kaspam despreciasqa kanqa”, nispan? 13Ichaqa nikichikmi, Eliasqa ñam hamurunña, aswanqa paymanta Qellqapa nisqanman hinam munasqankuta payta ruwarqaku, nispa.

Demonioyuq warmata sanoyachisqanmanta

(Mt 17.14-21. Lc 9.37-43)

14Wakin discipulokunapa kasqanman chayaruspankum, paykunapa muyuriqninpi achkallaña runakunata tariykurqaku, chaypitaqmi Diospa leynin yachachiqkunapas kachkarqaku Jesuspa discipulonkunawan atipanakuspanku. 15Chaymi Jesusta rikuykuspanku admirasqallaña kallpaspanku rimaykurqaku. 16Jesusñataqmi discipulonkunata tapurqa:

¿Imamantataq paykunawan atipanakuchkankichik? nispa.

17Hinaptinmi runakunamanta hukkaqnin nirqa:

Yachachikuq, kay churiytam qanman pusamurqani, payman mana allin espíritu yaykuruptinmi mana rimaq rikurirun. 18Chaymi chay mana allin espirituqa munarispanqa pampakunaman maypipas wischuykun, payñataqmi pusoqollataña atqospan kirunkunatapas kirichichiyllaña kachukun, hinaspam kaskitakun. Discipuloykikunatam chay mana allin espirituta qarqonankupaq nirqani ichaqa manam atirqakuchu, nispa.

19Jesusñataqmi nirqa:

¡Mana iñiyniyuq runakuna! ¿Haykapikamataq qamkunawan kasaq? ¿Haykapikamataq aguantasqaykichik? Chay warmata apamuychik, nispa.

20Pusaramuptinkum chay mana allin espirituqa Jesusta rikuruspan warmata taspiparuspan pampaman wikaparurqa, hinaptinmi warmañataq kuchpaykachakuspan pusoqollataña atqorqa. 21Jesusñataqmi chay warmapa taytanta tapurqa:

¿Hayka watañataq kaynata churiki ñakarin? nispa.

Chaymi nirqa:

Taksa kasqanmantaraqmi. 22Kay mana allin espirituqa achka kutipim wañurachinanpaq ninamanpas otaq yakumanpas wischuykun. Sichum ima ruwaytapas atispaykiqa, ñoqaykumanta llakipayarikuspayá yanapaykullawayku, nispa.

23Jesusñataqmi nirqa:

Sichum creeptikiqa, haykam creeqpaqqa manam imapas sasachu, nispa.

24Hinaptinmi chay warmapa taytanñataq qaparispan nirqa:

¡Creenim, aswanraq creenaypaqyá yanapaykullaway! nispa.

25Jesusñataqmi runakuna aswanraq huñunakamusqanta qawarispan chay mana allin espirituta qaqcharqa:

Upayachikuq hinaspa mana rimachikuq espíritu, ñoqam kamachiki, kay warmamanta lloqsiy hinaspa amaña huktawanqa kutiykuyñachu, nispan.

26Hinaptinmi chay mana allin espirituqa qaparispanraq chay warmata taspiparuspan lloqsirurqa, hinaspam wañusqata hinaraq saqerurqa; chaymi llapa runakuna nirqaku: “Wañurunmi”, nispanku. 27Jesusmi ichaqa makinmanta hapiykuspan hatariykachiptin warma sayarirurqa.

28Wasiman Jesús yaykuruptinmi discipulonkuna sapaqman qayaykuspanku tapurqaku:

¿Imanasqataq chay mana allin espirituta qarqoyta mana atirqanikuchu? nispanku.

29Chaymi Jesusñataq nirqa:

Kayna demoniotaqa #9.29 Kay textopi ayunonisqanqa ñawpaq manuscritokunapiqa manam kanchu.[ayunowan] hinaspa Diosta mañakuspallam qarqona, nispa.

Wañunanmanta huktawan Jesuspa willakusqanmanta

(Mt 17.22-23. Lc 9.43-45)

30Chaymanta lloqsiruspankum Galilea lawninta rirqaku, Jesusmi mana munarqachu chaynin pasasqanta runakuna yachananta, 31discipulonkunata yachachisqanrayku. Jesusmi discipulonkunata nirqa:

Runapa Churinqa runakunapa makinman entregasqam kanqa, hinaptinmi wañuchinqaku, ichaqa kimsa punchawmantam kawsarimunqa, nispa.

32Discipulonkunam ichaqa chay nisqanta mana entienderqakuchu, tapuykuytapas manchakurqakutaqmi.

Pim puntapi kananmanta

(Mt 18.1-5. Lc 9.46-48)

33Capernaúm llaqtaman chayaruspa wasipiña kachkaptinkum, discipulonkunata Jesús tapurqa:

¿Imamantataq hamusqanchikpi atipanakurqankichik? nispa.

34 # Lc 22.24. Paykunam ichaqa upallalla karqaku, ñanpi kikinkupura pim puntapi kananmanta atipanakamusqankurayku. 35#Mt 20.26-27; 23.11; Mr 10.43-44; Lc 22.26.Chaymi Jesusñataq tiyaykuspan chunka iskayniyuq discipulonkunata qayaykuspan nirqa:

Pipas puntapi kayta munaspaqa, lliwmanta qepapi kaspam wakiqninpa serviqnin kanan, nispa.

36Chaymantam huk warmachata chawpinkuman sayaykachirqa, hinaspam payta marqakuykuspan discipulonkunata nirqa:

37 # Mt 10.40; Lc 10.16; Jn 13.20. Pipas sutiypi kayna warmachata chaskiykuqqa ñoqatam chaskiwan, pipas chaskiwaqniyqa manam ñoqallatachu chaskiwan, aswanqa kachamuwaqniy Taytaytam, nispa.

Jesuspa favorninpi kaqkunamanta

(Mt 10.42; Lc 9.49-50)

38Hinaptinmi Jesusta Juan nirqa:

Yachachikuq, huk runatam rikuramuniku demoniokunata qampa sutikipi qarqochkaqta. Hinaspaykum ñoqanchikwan mana purisqanrayku harkakaramuniku, nispan.

39Jesusñataqmi nirqa:

Ama harkakuychikchu, pipas ñoqapa sutiypi milagrota ruwaqqa manam contraypiqa rimanmanchu. 40#Mt 12.30; Lc 11.23.Pipas mana contranchikpi kaspaqa ñoqanchikwanmi kachkan. 41#Mt 10.42.Ñoqapa kasqaykichikrayku huk vaso yakullatapas ñoqapa sutiypi qoykusuqnikichikqa, cheqaptapunim premionta chaskinqa.

Pitapas huchallichiqqa castigasqa kananmanta

(Mt 18.6-9. Lc 17.1-2)

42Ñoqapi iñiq taksakunamanta hukkaqninta pipas huchallichiqtaqa, allinchá kanman molino rumita kunkanman wataruspanku lamar qochaman wischuykuyninku. 43#Mt 5.30.Sichum makiki huchallichisuptikiqa kuchuruy, allinqa kanman huknin makiyuqllañapas wiñaypaq kawsakuynikim, iskaynin makintin wiñaypaq rawrachkaq infiernoman wischusqa kanaykimantaqa. 44#9.44 Kay textoqa ñawpaq manuscritokunapiqa manam kanchu.[Chaypiqa manam urunkupas wañunchu nitaq ninapas taninchu]. 45Sichum chakiki huchallichisuptikiqa qorukuruy, allinqa kanman huknin chakillañapas wiñaypaq kawsakuynikim, iskaynin chakintin wiñaypaq rawrachkaq infiernoman wischusqa kanaykimantaqa. 46#9.46 Kay textoqa ñawpaq manuscritokunapiqa manam kanchu.[Chaypiqa manam urunkupas wañunchu nitaqmi ninapas taninchu]. 47#Mt 5.29.Sichum ñawiki huchallichisuptikiqa hurqoruy, allinqa kanman chulla ñawillañapas Diospa munaychakuyninman yaykuynikim, iskaynin ñawintin wiñaypaq rawrachkaq infiernoman wischusqa kanaykimantaqa. 48#Is 66.24.Chaypiqa manam urukunapas wañunchu nitaqmi ninapas taninchu.

49Lliwmi kachiwan hina ninawan chuyanchasqa kanqaku. 50#Mt 5.13; Lc 14.34-35.Kachiqa allinmi, sichum kachi qamyayaruspanqa ¿imapaqtaq valenman? Amayá qamkunapi kachi pisichunchu, chaynapi runamasikichikwanpas hawkalla kawsanaykichikpaq, nispa.

Currently Selected:

Marcos 9: RCHQ2

Highlight

Copy