Popular Bible Verses from Marcos 9

Share

Jesusñataqmi nirqa: Sichum creeptikiqa, haykam creeqpaqqa manam imapas sasachu, nispa.

Hinaptinmi chay warmapa taytanñataq qaparispan nirqa: ¡Creenim, aswanraq creenaypaqyá yanapaykullaway! nispa.

Wasiman Jesús yaykuruptinmi discipulonkuna sapaqman qayaykuspanku tapurqaku: ¿Imanasqataq chay mana allin espirituta qarqoyta mana atirqanikuchu? nispanku. Chaymi Jesusñataq nirqa: Kayna demoniotaqa [ayunowan] hinaspa Diosta mañakuspallam qarqona, nispa.

Kachiqa allinmi, sichum kachi qamyayaruspanqa ¿imapaqtaq valenman? Amayá qamkunapi kachi pisichunchu, chaynapi runamasikichikwanpas hawkalla kawsanaykichikpaq, nispa.

Pipas sutiypi kayna warmachata chaskiykuqqa ñoqatam chaskiwan, pipas chaskiwaqniyqa manam ñoqallatachu chaskiwan, aswanqa kachamuwaqniy Taytaytam, nispa.

Ñoqapa kasqaykichikrayku huk vaso yakullatapas ñoqapa sutiypi qoykusuqnikichikqa, cheqaptapunim premionta chaskinqa.

Ñoqapi iñiq taksakunamanta hukkaqninta pipas huchallichiqtaqa, allinchá kanman molino rumita kunkanman wataruspanku lamar qochaman wischuykuyninku.

Sichum ñawiki huchallichisuptikiqa hurqoruy, allinqa kanman chulla ñawillañapas Diospa munaychakuyninman yaykuynikim, iskaynin ñawintin wiñaypaq rawrachkaq infiernoman wischusqa kanaykimantaqa.