Jeremías 47
47
Filisteokunapa contranpi profetizasqanmanta
1 #
Is 14.29-31; Ez 25.15-17; Jl 3.4-8; Am 1.6-8; Sof 2.4-7; Zac 9.5-7. Gaza llaqtata Faraón manaraq munaychakuchkaptinmi, filisteokunapa contranpi profeta Jeremiasta Tayta Dios kaynata nirqa:
2Norte lawmantam repunte lloqlla hamuchkan,
llimparichkaq mayu hinam kallpamuchkan;
naciontawan chaypi kaqkunatam pamparun,
llaqtakunatawan runankunatam pamparun.
Chay nacionpi yachaqkunam qaparinku,
runakunam nanaywan qaparinku.
3Caballokunapa kallpasqanta,
carretakunapa ruedanpa qaparisqanta uyarispankum,
llapa taytankupas manaña kallpayuq rikurispanku
wawa-churinkuta saqerunku.
4Filistea llaqtapa chinkanan tiempom chayaramun,
Tiro llaqtata chaynataq Sidón llaqtata
yanapaqkunapa puchukananku tiempom chayaramun.
Filisteokunatawan Creta islapi puchuqkunatam
Tayta Dios chinkachinqa.
5Gaza llaqtayuqkunam llakikuymanta chukchankuta rutukurunku,
Ascalón llaqtayuqkunam llakikuymanta mana rimaqña rikurirunku.
Pampa lawkunapi puchuqkuna
¿haykapikamataq aychaykichikta kuchupakunkichik?
6Tayta Diospa espadan,
¿haykapitaq samanki?
Vainaykiman kutiykuspayki samaykuyña.
7Ichaqa ¿imaynataq samaykunman
Ascalón llaqtata, lamarpa patanpi llaqtakunata atacananpaq
Tayta Dios kamachichkaptinqa?
Chaypaqmi destinasqa karqanki.
Currently Selected:
Jeremías 47: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012