Jeremías 46
46
Egiptopa contranpi Jeremías profetizasqanmanta
1Nacionkunapa contranpim profeta Jeremiasman Tayta Dios kaynata nirqa. 2#Is 19.1-25; Ez 29.1—32.32.Jeremiastam rimapayarqa Egipto nacionpa contranpi chaynataq Egiptopi rey Faraón Necaopa tropankunapa contranpi. Paymi Eufrates mayupa patanpi kaq Carquemis llaqtapi kachkarqa. Paytam Babilonia nacionpa reynin Nabucodonosor vencerurqa, Josiaspa churin Joacim tawa wataña Judá nacionpi munaychakuchkaptin. Tayta Diosmi kaynata nirqa:
3Escudokunatawan armakunata hapispa guerraman kallpaychik.
4¡Soldadokuna!
caballoman monturata wataspa sillakuychik,
cascoykichikta churakuspa filaman churakuychik,
lanzaykichikta ñawchiyachiychik,
qasqotawan wasata harkachikunaykichikta churakuychik
5Ichaqa ¿imatataq qawachkani?
Manchakuymantam qepaman ayqemunku,
soldadokunam vencerachikuspa cheqerunku,
qepankutapas manaña qawarispam ayqekunku,
manchakuyllañam tukuy hinastinpi kakuchkan.
Ñoqa Tayta Diosmi chaynata nini.
6Maynaña kallpaqpas manam lluptiyta atinchu,
allinnin qari-qari soldadopas manam ayqeyta atinchu,
Eufrates mayupa norte lawninpim mitkarunku.
7¿Pitaq wakqa Nilo mayu hinaraq qespimuchkan?
¿Pitaq wakqa llimparichkaq mayu hinaraq kuyumuchkan?
8Egipto nacionmi Nilo mayu hinaraq llimparichkan,
mayukuna hinaraqmi chukulyamuchkan.
Egiptom kaynataraq nichkan:
“Mayu hina llimparispaymi kay pachata pamparusaq,
llaqtakunatam runankunatawan kuskata pasaypaqta chinkarachisaq”, nispa.
9¡Silladakuna kallpaychik!
¡Carretakuna loco hinaña pawaychik!
¡Allinnin qari-qari runakuna lloqsiychik!
Etiopía nacionniyuq, Fut nacionniyuq soldadokuna
escudonkuta hapichunku,
Lud nacionniyuq soldadokuna flechananku arcota alistachunku.
10Tukuy Atiyniyuq Tayta Diospa punchawniymi chay punchawqa,
chay punchawpim enemigonkunamanta vengakunqa.
Espadam runakunata aminankama wañuchinqa,
yawarninkuwanmi sinkanqa.
Norte law nacionpim, Eufrates mayupa hichpanpim
Tukuy Atiyniyuq Tayta Dios wañuchinqa.
11Egipto runakuna,
Galaad lawman hampi maskaq riychik.
Yanqapaqñam hampikunatapas apamunkichik,
qampaqqa manañam hampi kanchu.
12Lliw nacionkunam penqaypi kasqaykita yacharunku,
qaparisqaykim lliw kay pachapi uyarikun;
allinnin qari-qari runakunam chocanakunku,
kuskankum pampanta kururakunku.
Egipto runakunata rey Nabucodonosor vencesqanmanta
13 #
Jer 43.10-13. Babilonia nacionpa reynin Nabucodonosor Egipto nacionta atacananpaq lloqsiramusqanpa qepallantam, profeta Jeremiasta Tayta Dios kaynata nirqa:
14Egiptopi willakamuychik.
Migdol, Menfis hinaspa Tafnes llaqtakunaman kaynata nimuychik:
¡Puestoykichikpi listolla kaychik!
¡Espadam muyuriqnikichikpi wañuchichkan! nispaykichik.
15¿Imanasqataq Apis sutiyuq toroyki lluptirun?
¿Imanasqataq mana sayayta atirqachu?
Ñoqa Tayta Diosmi paytaqa tuñirachini.
16Soldadoykikunam mitkarunku,
hukninkum hukninkupa hawanman wichichkanku,
kikinkupuram ninakunku:
“Hatarispa llaqtanchikman ripukusun,
nacesqanchik nacionman kutikusun,
wañuchinakuymanta lluptikusun”, nispanku.
17Chaypim qaparichkanku:
¡Egiptopa reynin Faraonqa siminpa atipasqallanmi,
manam ima ruwaytapas atinchu! nispanku.
18Ñoqam kawsaq reyqa kani,
Tukuy Atiyniyuq Tayta Diosmi sutiypas,
sutiyrayku juraspaymi kaynata nini:
Imaynam Tabor orqo wakin orqokunata masyan,
imaynam lamar qocha patanpi Carmelo hoqarikun,
chaynam enemigoqa sutilla hamunqa.
19Egipto nacionniyuq runakuna,
preso rinaykichikpaq qepikichikta alistakuychik.
Menfis llaqtam chunnichisqa kanqa,
manaña runayuq kanankamam purmanqa.
20Egipto nacionqa kuyayllapaq vaquilla hinam,
ichaqa norte lawmanta hamuq tankayllum kachurunqa.
21Pagasqa soldadokunapas
wirayachisqa torokuna hinam kachkanku,
ichaqa enemigonkuta mana aguantaspam lluptikunqaku,
sasachakuypi kananku punchawmi chayaramun,
castigasqa kananku punchawmi chayaramun.
22Egipto runakunaqa,
llapa enemigonkuna hamuruspa
yantachkaq hinaraq hachakunawan atacaptinkum,
maqta uru hinaraq silbakustin lluptinqaku.
23Ñoqa Tayta Diosmi kaynata nini:
Manaña yaykuy atina montenkunatam kuchuparunqaku.
Paykunaqa aqaruway urukuna hina manaña yupay atinam karqaku.
24Egipto nacionmi penqayman churasqa kanqa,
Norte lawpi nacionman entregasqam kanqa, nispa.
25Israelpa yupaychasqan Tukuy Atiyniyuq Tayta Diosmi kaynata nin:
Tebas llaqtapa Amón sutiyuq idolontam castigasaq, Egipto naciontam idolonkunatawan hinaspa reyninkunatawan kuskata castigasaq, Faraontapas payman hapipakuqkunatawan kuskatam castigasaq. 26Ñoqa Tayta Diosmi nini: Ñoqam qoykusaq wañuchiy munaqnin enemigonkunaman otaq Babilonia nacionpa reynin Nabucodonosorman chaynataq serviqninkunaman. Chaywanpas Egipto nacionqa ñawpaq tiempokunapi hinaraqmi runakunapa huntasqan kanqa. Ñoqa Tayta Diosmi chaynata nini.
Runankunata Tayta Dios salvananmanta
27Serviqniy Jacob,
qamqa amayá manchakuychu.
Qamtaqa miraynikikunatawan kuskatam
karu nacionkunamanta libramusqayki,
preso risqayki nacionkunamantam libramusqayki,
hinaptinmi hawkalla kawsakunki,
manañam pipas manchachisunkiñachu.
28 #
Jer 30.10-11. Ñoqa Tayta Diosmi kaynata nini:
Serviqniy Jacob,
ñoqam qanwan kachkani, ama manchakuychu.
Cheqerachiptiy chayasqayki nacionkunatam pasaypaqta chinkarachisaq,
qamtam ichaqa mana chinkachisqaykichu,
huchaykiman hinam castigasqayki,
castiganaymantaqa manam lluptinkichu nispa.
Currently Selected:
Jeremías 46: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
