Hechos 7
7
Estebanpa willakusqanmanta
1Estebantam Sumo sacerdote tapurqa:
¿Qanmanta runakunapa rimasqan cheqapchu? nispa.
2Chaymi Estebanñataq nirqa:
Wawqellaykuna, taytallaykuna, uyariykuwaychik. Ñoqanchikpa kancharichkaq Diosninchikmi ñawpaq taytanchik Abrahamman Mesopotamia lawpi rikuriykurqa, manaraq Harán llaqtaman ripukuchkaptin. 3#Gn 12.1.Paytam nirqa: “Llaqtaykimanta hinaspa aylluykikunamanta lloqsiy qawachinay allpaman”, nispa. 4#Gn 11.31.#Gn 12.4.Chaymi Diospa nisqanman hina, Caldea lawmanta Abraham ripukuspan Harán llaqtapi yacharqa. Chaypi taytan wañukuptinmi payta Dios pusamurqa kay kasqanchik allpaman. 5#Gn 12.7; 13.15; 15.18; 17.8.Diosqa manam ima herenciatapas kay allpapiqa qorqachu ni chakillan churaykunanpaqpas; ichaqa mana churiyuq kachkaptinpas, Diosmi tukuy kay allpata paymanwan mirayninkunaman qonanpaq prometerqa. 6Paytam nirqa: “Miraynikikunam runapa llaqtanpi mana llaqtayuq hina yachanqaku, chaypim esclavo kaspa ñakarichisqa kanqaku tawa pachak watapuni”, nispa. 7#Gn 15.13-14.Diosqa nirqataqmi: “Aswanqa servichikuqninku runakunatam castigasaq, hinaptinmi miraynikikuna chay nacionmanta lloqsimuspanku kaypi yupaychawanqaku”, nispa. 8#Gn 17.10-14.#Gn 21.2-4.#Gn 25.26.#Gn 29.31—35.18.Diosmi pactota Abrahamwan ruwaspan qari kayninkupi señalasqa kanankupaq kamachirqa. Chaymi churin Isaac naceruptin pusaq punchawninman señalarqa; hina chaynallatam Isaacpas churin Jacobta señalarqa, Jacobpas chaynallatataqmi chunka iskayniyuq churinkunawan ruwarqa.
9 #
Gn 37.11. #
Gn 37.28. # Gn 39.2, 21. Jacobpa churinkunam wawqenku Joseymanta envidiakuspanku rantikururqaku, chaymi Egipto nacionman aparurqaku. Ichaqa Diosmi Joseywan karqa, 10#Gn 41.39-41.hinaspam llapa ñakariyninkunamanta librarqa. Dios yanapaptinmi Joseyqa allin yachayniyuq karqa, chaymi rey Faraonpas allinpaq qawaspan Joseyta akllarqa Egipto nacionpi hinaspa kikin reypa wasinpi kamachikuq kananpaq.
11 #
Gn 41.54-57. Egipto nacionpipas chaynataq Canaán lawpipas llumpay yarqay kaptinmi, ñawpaq taytanchikkuna mana imatapas mikunankupaq tarirqakuchu. 12#Gn 42.1-2.Ichaqa Egipto nacionpi trigo kasqanta Jacob yacharuspanmi churinkunata punta riyninkupi kacharqa. 13#Gn 45.1.#Gn 45.16.Iskay kaq kutiyninkupiñam Joseyqa wawqenkunaman reqsiykachikurqa, chaymi Egipto nacionpa reyninpas yacharurqa pipa castanmi Joseyqa kasqanta. 14#Gn 45.9-10, 17-18.#Gn 46.27.Chaynapim Joseyqa taytan Jacobta llapa aylluntinta Egipto nacionman qayachirqa, paykunaqa karqa qanchis chunka pichqayuq runakunam. 15#Gn 46.1-7.#Gn 49.33.Chaynapim Jacobqa Egipto nacionman ripukurqa, hinaspam chaypi wañukurqa, hina chaypitaqmi churinkunapas wañukurqaku. 16#Gn 23.3-16; 33.19; 50.7-13; Jos 24.32.Chaymantañam paykunapa tullunkunata aparqaku Siquem llaqtaman chaypi pampanankupaq. Chay sepulturatam achka qollqewan Abraham rantirqa Hamorpa churinkunamanta.
17Abrahamman juraspa Diospa prometesqan tiempo hichpamusqanman hinam, Egipto nacionpi Israel runakuna llumpa-llumpayta mirarurqaku. 18#Ex 1.7-8.Chaymantam Joseyta mana reqsiq reyña Egipto nacionpi munaychakuyta qallaykurqa. 19#Ex 1.10-11.#Ex 1.22.Paymi engañaspa ñawpaq taytanchikkunata llumpayta ñakarichirqa, hinaspam kamachikurqa chayllaraq naceq wawa-churinkutapas saqeptinku wañunanpaq, chaynapi mana miranankupaq. 20#Ex 2.2.Chay tiempopim Moisespas nacerqa. Paymi karqa Diospa kuyasqan suma-sumaq wawa, chaymi tayta-maman kimsa killa wasinkupi uywarqaku. 21#Ex 2.3-10.Ichaqa wañunanpaq wischusqa kaptinmi, rey Faraonpa warmi churin tarikuspan wawanta hina uywakurqa. 22Chaynapim Egiptopi tukuy yachaykunata yachachirqaku, chaymi Moisesqa karqa rimayninpipas chaynataq ruwayninpipas hatun yachayniyuq runa.
23Moisesmi tawa chunka watayuqña kachkaspan, Israelmanta kaq llaqtamasinkunaman watukuq rirqa. 24Chaypim Egipto runata rikururqa Israelpa mirayninmanta kaq runata maqachkaqta, chaymi nanachikuspan maqaqnin Egipto runata wañurachirqa. 25Moisesmi nirqa: “Castaykunaqa yaqam entiendenqaku paykunataqa ñoqantakama Dios librananta”, nispa. Ichaqa manam paykunaqa kaqpaqpas hapirqakuchu. 26Paqarinnintin punchawñataqmi Moisés tarirurqa Israelpa mirayninkunamanta iskay runakuna maqanakuchkaqta, rakinayta munaspanmi nirqa: “Qamkunaqa wawqentinmi kankichik, ¿imanasqataq maqanakuchkankichik?” nispa. 27Hinaptinmi chay castamasin maqaq runa, Moisesta tanqarispan nirqa: “¿Pitaq qamta churasurqanki ñoqaykupa kamachiqniyku hinaspa juezniyku kanaykipaq? 28¿Qayna punchaw wañuchisqayki Egipto runata hinachu ñoqatapas wañurachiwayta munanki?” nispa. 29#Ex 2.11-15.#Ex 18.3-4.Kayta uyariruspanmi Moisesqa ayqekuspa Madián lawman ripukurqa. Runapa llaqtanpi yachachkaptinmi iskay churinkuna nacerqa.
30Tawa chunka wata pasaruptinñam, Sinaí orqopa hichpan chunniqpi huk angelta rikururqa rupachkaq tankar kichkapi. 31Moisesmi chayta rikuruspan admirakurqa, hinaspam sumaqta qawaykunanpaq asuykuspan uyarirqa Diospa kayna nisqanta: 32“Ñoqam kani ñawpaq taytayki Abrahampa, Isaacpa hinaspa Jacobpa Diosnin”, niqta. Hinaptinmi Moisesqa manchakuymanta katkatatayta qallaykuspan ni qawariytapas atirqachu. 33Chaymi Diosñataq nirqa: “Usutaykita hurqokuy, sarusqayki allpaqa ñoqapaq sapaqchasqa allpam. 34#Ex 3.1-10.Cheqaptapunim Egipto nacionpi llaqtaypa ñakarisqanta qawachkani, uyarichkanitaqmi waqasqankutapas, chaymi uraykamuni paykunata libranaypaq. Chaynaqa, riy, ñoqam Egipto nacionman rinaykipaq kamachiki”, nispa.
35Kay Moisestam paykuna qepanchaspanku kaynata nirqaku: “¿Pitaq qamtaqa ñoqaykupa kamachiqniyku hinaspa juezniyku kanaykipaq churasurqanki?” nispanku. Ichaqa Diosmi payta kacharqa kamachiqninku hinaspa libraqninku kananpaq tankar kichkapi rikuriqnin angelnintakama. 36#Ex 7.3.#Ex 14.21.#Nm 14.33.Paymi Israel runakunata hurqomurqa admirakuypaq milagrokunata Egipto nacionpi ruwaspa chaynataq Puka lamar qochapipas hinaspa tawa chunka watantin hamusqanku chunniqpipas. 37#Dt 18.15, 18.Kay Moisestaqmi Israelpa mirayninkunata nirqa: “Diosmi castanchikmanta ñoqa hina profetata hatarichinqa, paytam uyarinkichik”, nispa. 38#Ex 19.1—20.17; Dt 5.1-33.Kay Moisesmi chunniqpi huñunakuypi ñawpaq taytanchikkunawanpas karqa, paymi Sinaí orqopi rimapayaqnin angelwanpas karqa. Paytaqmi kawsananchikpaq palabrakunatapas chaskipuwarqanchik.
39Ichaqa ñawpaq taytanchikkunam payta mana kasurqakuchu, hinaspam qepanchakuruspanku Egipto nacionman kutikuyta munaspanku 40#Ex 32.1.Aaronta nirqaku: “Idolokunata ruwapuwayku Dios hina pusawananchikpaq. Egipto nacionmanta hurqomuwaqninchik Moisestaqa imachá pasarunpas, manam yachanchikchu”, nispanku. 41#Ex 32.2-6.Chaymi torillota qorimanta ruwarurqaku, hinaspam animalkunata wañuchispa chay idoloman ofrecerqaku, makinkupa ruwarusqanwanmi kusikurqaku. 42Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan:
“Yaw Israelpa mirayninkuna,
¿Yaqachu chunniqpi tawa chunka wata purispaykichik
animalkunatawan sacrificiokunata ofrecewarqankichik?
43 #
Am 5.25-27. Aswanraqmi Moloc idolotawan
chaskakunaman rikchakuq ruwasqaykichik Refán idoloykichikta apaykacharqankichik.
Chay idolokunatam yupaychanaykichikpaq ruwarqankichik,
chayraykum Babilonia llaqtapa waklawninkunaman qarqorqaykichik”, nispa.
44 # Ex 25.9, 40. Ñawpaq taytanchikkunam Dioswan huñunakunanku carpata chunniqpi hatarichirqaku. Chaytaqa ruwarqaku imaynam Diospa kamachisqanman hinaspa Moisesman qawachisqanman hinam. 45#Jos 3.14-17.Kay carpatam ñawpaq taytanchikkuna herenciata hina chaskirqaku, hinaspam Josueywan hamuspanku, huk casta runakunata allpanmanta qarqoruspanku, kay allpanchikman apamurqaku. Diosmi qayllanmanta chay runakunata qarqorqa, kay allpata ñawpaq taytanchikkunaman qonanpaq. Chaypim karqa rey Davidpa tiemponkama. 46#2 S 7.1-16; 1 Cr 17.1-14.Davidmi Diospa kuyapayakuyninta haypaykuspan mañakurqa Jacobpa Diosninpaq templota ruwananpaq. 47#1 R 6.1-38; 2 Cr 3.1-17.Ichaqa Salomonñam Diospa templontaqa ruwarqa, 48hanaq pachapi Diosqa mana runakunapa ruwasqan templopi yachachkaptinpas. Diospa profetanmi kaynata nirqa:
49“Hanaq pachaqa tiyanay tronom,
kay pachañataqmi sarupakunay.
¿Imayna wasitataq ruwapuwankichikman?
¿Maypitaq samarinaypaq sitiota allichapuwankichikman?
Señormi chaynata nin.
50 #
Is 66.1-2. ¿Manachum tukuy imapas ñoqapa ruwasqallay karqa?” nispa.
51 #
Is 63.10. Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik. 52¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik. 53Qamkunaqa kamachikuykunatapas angelninkunatakamam chaskirqankichik, ichaqa manam kasukurqankichikchu, nispa.
Estebanta wañuchisqankumanta
54Kayta uyariykuspankum llumpayta piñakuspanku Estebanpa contranpi kirunkutapas kirichichirqakuraq. 55Estebanñataqmi Chuya Espiritupa huntasqan, cielota qawarispa Diospa kanchayninta rikururqa, rikururqataqmi Jesucristotapas Diospa alleq lawninpi sayachkaqta. 56Chaymi nirqa:
Hanaq pachatam kicharayachkaqta rikuchkani, runapa Churintañataqmi Diospa alleq lawninpi kachkaqta, nispa.
57Chaymi paykunañataq mana uyariyta munaspanku rinrinkutapas tapakuspa qaparispanku lliw waykarurqaku. 58Hinaspam llaqtapa cantonman aysaruspanku rumiwan choqaparurqaku. Esteban wañuchiq runakunapa pachantam Saulo sutiyuq jovenwan waqaychachirqaku. 59Rumiwan choqapachkaptinkum, Esteban kaynata mañakurqa:
Señor Jesús espirituytayá chaskiykuy, nispa.
60Hinaspanmi qonqorakuykuspan qaparirqa:
Señorlláy, kay hucha ruwasqankumantaqa amayá huchapaqpas hapiychu, nispa.
Chaynata niruspanmi wañukurqa.
Currently Selected:
Hechos 7: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012
