Gn 36

Eb' li ralal xk'ajol aj Esaú

(1 Kr 1,34-54)

1A'aneb' a'in li ralal xk'ajol laj Esaú, aj Edom ajwi' xk'ab'a'. 2Laj Esaú kixsik' eb' li rixaqil sa' xyanqeb' laj Kanahán:#36,2 Gn 26,34. lix Adá, xrab'in laj Elón aj Hit; lix Oholibamá, xrab'in laj Aná ralal laj Sibón, Jor xtenamit, 3ut lix Basmat, xrab'in laj Ismael, ranab' laj Nebayot.#36,3 Gn 28,9. 4Lix Adá kirala jun xk'uula'al laj Esaú: a'an aj Elifás xk'ab'a'; lix Basmat kirala laj Rewel. 5Lix Oholibamá kirala laj Yehús, laj Yalán ut laj Koré. A'aneb' a'in li ralal xk'ajol laj Esaú li ke'yo'laak aran Kanahán.

6Laj Esaú kixk'ameb' li rixaqil, li ralal ut eb' li xrab'in, jo'k'ihaleb' li wankeb' sa' rochoch, chixjunil li xketomq ut eb' li xxul, chixjunil li xjunkab'lal li kireechani sa' xteepal Kanahán, ut koho sa' li na'ajej Seír, moko najt ta rik'in laj Jakob li riitz'in, 7xb'aan naq q'axal naab'al li k'aru wank reheb' ut ink'a' chik naru te'wanq sa' jun chi na'ajej chi xkab'ichaleb'. Jo'kan ajwi' li na'ajej wankeb' wi' ink'a' natz'aqlok cho'q reheb' li xketomq. 8Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

9A'aneb' a'in li ke'yo'laak sa' riyajil laj Esaú, xyuwa'eb' laj Edom, sa'eb' li tzuul re Seír, 10ut a'aneb' a'in li xk'ab'a'eb' li ralal xk'ajol: laj Elifás, xyum lix Adá, rixaqil laj Esaú, ut laj Rewel, xyum lix Basmat, rixaqil laj Esaú. 11Eb' li ralal xk'ajol laj Elifás a'aneb' a'in li xk'ab'a': laj Temán, laj Omar, laj Sefó, laj Katán ut laj Kenás. 12Lix Timná a'an li rixaqil jun chik laj Elifás, ralal laj Esaú, li kiyo'laak wi' laj Amalek. A'aneb' a'in li ralal xk'ajol lix Adá, rixaqil laj Esaú. 13Ut a'aneb' a'in li ralal xk'ajol laj Rewel: laj Nájat, laj Séraj, laj Samá ut laj Misá. A'aneb' a'in ralal xk'ajol lix Basmat, rixaqil laj Esaú. 14Eb' li ralal xk'ajol lix Oholibamá, rixaqil laj Esaú ut xrab'in laj Aná, ralal laj Sibón, a'aneb' a'in: laj Yehús, laj Yalán ut laj Koré.

15A'aneb' a'in laj jolominel reheb' li ralal xk'ajol laj Esaú. Sa' xyanqeb' li ralal laj Elifás, xb'een ralal laj Esaú, a'aneb' a'in: laj Temán, laj Omar, laj Sefó, laj Kenás, 16laj Koré, laj Katán, laj Amalek. A'aneb' a'in laj jolominel sa' xyanqeb' laj Elifás sa' li tenamit Edom; a'aneb' li ri lix Adá. 17Sa' xyanqeb' li ralal laj Rewel, ralal laj Esaú, a'aneb' a'in laj jolominel: laj Nájat, laj Séraj, laj Samá, laj Misá. A'aneb' a'in laj jolominel sa' xyanqeb' laj Rewel sa' li tenamit Edom; a'aneb' li ri lix Basmat, rixaqil laj Esaú. 18Sa' xyanqeb' li ralal xk'ajol lix Oholibamá, rixaqil laj Esaú, a'aneb' a'in laj jolominel: laj Yehús, laj Yalán ut laj Koré. A'aneb' a'in laj jolominel li ke'yo'laak rik'in lix Oholibamá, xrab'in laj Aná, rixaqil laj Esaú. 19A'aneb' a'in li ralal xk'ajol laj Esaú, aj Edom ajwi' nayeemank re. A'aneb' li ke'taqlank sa' li xtenamiteb'.

Eb' li ralal xk'ajol laj Seír

20A'aneb' a'in li ralal xk'ajol laj Seír aj Jor, li ke'wank sa' li na'ajej a'an: laj Lotán, laj Sobal, laj Sibón, laj Aná, 21laj Disón, laj Eser ut laj Disán. A'aneb' a'in laj jolominel reheb' laj Jor, ralaleb' laj Seír, sa' li tenamit Edom. 22Eb' li ralal xk'ajol laj Lotán a'aneb' a'in: laj Horí ut laj Hemam. Lix Timná a'an chaq ranab' laj Lotán. 23Eb' li ralal xk'ajol laj Sobal a'aneb' a'in: laj Albán, laj Manáhat, laj Ebal, laj Sefó ut laj Onam. 24Eb' li ralal xk'ajol laj Sibón a'aneb' a'in: laj Ayá ut laj Aná, li kitawok re li tiqwal ha' sa' li chaqich'och', naq yo chi xk'aak'alenkileb' li xb'uur laj Sibón li xyuwa'. 25Eb' li ralal xk'ajol laj Aná a'aneb' a'in: laj Disón ut lix Oholibamá, xrab'in laj Aná. 26Eb' li ralal xk'ajol laj Disón a'aneb' a'in: laj Hemdán, laj Esbán, laj Itrán ut laj Kerán. 27Eb' li ralal xk'ajol laj Eser a'aneb' a'in: laj Bilán, laj Sahabán ut laj Akán. 28Eb' li ralal xk'ajol laj Disán a'aneb' a'in: laj Us ut laj Arán.

29A'aneb' a'in laj jolominel reheb' laj Jor: laj Lotán, laj Sobal, laj Sibón, laj Aná, 30laj Disón, laj Eser ut laj Disán. A'aneb' a'in laj jolominel reheb' laj Jor, jo' chanru li xch'uuteb', aran Seír.

Eb' li awab'ej re Edom

31A'aneb' a'in li awab'ej ke'taqlank aran Edom naq toj maji' ke'wank li awab'ej rik'ineb' laj Israel: 32laj Belá, ralal laj Pehor, Dinhabá li xtenamit. 33Naq kikamk laj Belá, a' chik laj Jobab, ralal laj Séraj, ki'awab'ejink sa' xna'aj, Bosrá li xtenamit. 34Naq kikamk laj Jobab, a' chik laj Jusán ki'awab'ejink sa' xna'aj, xkomoneb' laj Temán. 35Naq kikamk laj Jusán, a' chik laj Hadad, ralal laj Bedad, ki'awab'ejink sa' xna'aj, a' li kixq'ax ruheb' laj Madián sa' xtaq'ahil Mohab; Abit xk'ab'a' li xtenamit. 36Naq kikamk laj Hadad, a' chik laj Samlá ki'awab'ejink sa' xna'aj, Masreká li xtenamit. 37Naq kikamk laj Samlá, a' chik laj Saúl ki'awab'ejink sa' xna'aj, Rehobot li xtenamit, li wank chire li Nima'. 38Naq kikamk laj Saúl, a' chik laj Bahal-Janán, ralal laj Akbor, ki'awab'ejink sa' xna'aj. 39Naq kikamk laj Bahal-Janán, ralal laj Akbor, a' chik laj Hadad ki'awab'ejink sa' xna'aj. Li xtenamit a'an Paw, ut li rixaqil a'an xMehetabel, a' li xko' lix Matred, xrab'in laj Mesahab.

40A'aneb' a'in li xk'ab'a'eb' laj jolominel li ke'yo'laak sa' riyajil laj Esaú, jo' chanru li xjunkab'aleb', li xna'ajeb' ut li xk'ab'a'eb': laj Timná, laj Albá, laj Jetet, 41laj Oholibamá, laj Elá, laj Pinón, 42laj Kenás, laj Temán, laj Mibsar, 43laj Makdiel ut laj Irán. Laj Esaú kixk'ab'a'in ajwi' aj Edom, ut a'aneb' a'in laj jolominel re Edom, jo' chanru li xna'ajeb' sa' li ch'och' wankeb' wi'.

Currently Selected:

Gn 36: QQC

Highlight

Copy