Ap 3
3
Sardes
1“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat. 2Aj ajaq aawu ut k'e xkawub' li k'aru toj wank aawik'in ut kamk re, xb'aan naq ink'a' tz'aqal re ru laab'aanuhom naq xintaw chiru linYos. 3Chinaq b'i' sa' aach'ool chanru xak'ul ut xawab'i li waatin. K'e aach'ool chirix ut chajal aak'a'uxl, xb'aan naq, wi ink'a' yooqat chi yo'lek, tolin'elq kama' junaq aj elq', chi ink'a' taanaw jo'q'e honal tinchalq sa' aab'een. 4Ab'an toj wank wankeb' aawik'in aran Sardes li ink'a' xe'xtz'ajni li raq'eb'; eb' a'an te'b'eeq wochb'een chi saq li raq'eb', xb'aan naq xk'ulub'eb'. 5Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel. 6Ani wank xxik, chirab'ihaq li naxye li Musiq'ej reheb' li Iklees».
Filadelfia
7“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.#3,7 Is 22,22; Job 12,14. 8Ninnaw laab'aanuhom. K'e reetal, xink'e jun li okeb'aal teeto chawu ut maa'ani naru chi xtz'apb'al; xb'aan naq, us ta kach'in ajwi' laakawilal, ab'an xak'uula sa' laach'ool li waatin ut ink'a' xinaatz'eqtaana. 9K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq,#3,9 Is 49,23; 60,14. re naq te'xnaw naq laa'in nakatinra.#3,9 Is 43,4; Dt 4,37; 7,8. 10Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'. 11Tinchalq chi seeb'. Li k'aru wank aawe, kaw chapchooq aab'aan re naq maa'ani taamaq'oq chawu laaq'ajkamunkil. 12Li ani taaq'axoq u, laa'in tink'e cho'q roqechal li rochoch linYos ut maajaruj chik taa'elq aran. Chiru a'an tinlet'exi reetalil li xk'ab'a' linYos jo'wi' li xk'ab'a' xtenamit linYos, a' li ak' Jerusalén li nakub'e chaq toj sa' choxa rik'in linYos; ut tintz'iib'a ajwi' lin'ak' k'ab'a'.#3,12 Is 62,2; 65,15. 13Ani wank xxik, chirab'ihaq li naxye li Musiq'ej reheb' li Iklees».
Laodicea
14“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén,#3,14 Amén a'an xk'ab'a' li Kriist xb'aan naq junelik naxye li yaal (cf. Ap 1,5; 19,11-13; 2 Ko 1,20; Is 65,16). laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos. 15Ninnaw laab'aanuhom; moko kehat ta chi moko tiqat. Us rajan kehat ta malaj tiqat taxaq! 16Ab'an, rik'in naq luluhat, ut ink'a' tiqat chi moko kehat, ok we chaxa'wankil. 17B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat. 18Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.
19«Laa'in chixjunileb' li nekeb'inra, nekeb'inq'us ut nekeb'intij.#3,19 Dt 8,5; Job 5,17; Sal 94,12; Heb 12,7. K'e b'i' aach'ool ut jal aak'a'uxl.
20«K'e reetal, wankin arin ut yookin chi toch'ok re li kab'l: wi ani taa'ab'inq re xyaab' linkux ut tixte li okeb'aal, tin'ok ut tintzekanq rik'in ut a'an wik'in.
21«Li ani taaq'axoq u, tink'e chi k'ojlaak wik'in sa' linnimajwal k'ojarib'aal, jo' ajwi' laa'in xinq'axok u ut xink'ojlaak rik'in linYuwa' sa' li xnimajwal k'ojarib'aal.
22«Ani wank xxik, chirab'ihaq li naxye li Musiq'ej reheb' li Iklees»”.
Currently Selected:
Ap 3: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
