Ap 4
4
Li xnimajwal k'ojarib'aal li Yos sa' choxa
1Moqon chik kiwil sa' moy u#4,1 Cf. Ez 1; 10; Is 6. jun li okeb'aal teeto sa' choxa; ut li xyaab' kuxej li ak wab'ihom jo' xyaab' li tronpeet, jo'ka'in kixye we: “Taqen chaq arin, ink'utaq chawu li tento taak'ulmanq moqon”.
2Sa' junpaat kinreechani li Musiq'ej, ut xwil jun li nimajwal k'ojarib'aal wan chaq sa' choxa, ut jun li k'ojk'o sa' xb'een li k'ojarib'aal.#4,2 A'an li Qaawa' Yos. 3Li k'ojk'o aran, a'an kama' li pek jaspe xk'ab'a' ut li kornalina; ut jun li kaqlaaq' nasutuk re li xnimajwal k'ojarib'aal kama' li esmeralda. 4Chi xsutam li nimajwal k'ojarib'aal wankeb' kaahib' xka'k'aal chi k'ojarib'aal, ut k'ojk'ookeb' aran kaahib' xka'k'aal li cheekel winq tiqtookeb' rik'in saqi aq', ut wankeb' xkoroon oor sa' xjolomeb'. 5Sa' li nimajwal k'ojarib'aal na'elk chaq li raq'kaaq, li xyaab' kuxej ut li kaaq; ut chiru li nimajwal k'ojarib'aal wank wuqub' chi xam lochlookeb', a'aneb' li wuqub' chi xmusiq' li Yos. 6Chiru li nimajwal k'ojarib'aal wank kama' li palaw saqen saqenk ru, chanchan li krixtal.
Ut sa' xyi li k'ojarib'aal jo'wi' chi xsutam wankeb' kaahib' li yo'yookeb',#4,6 Eb' li kaahib' chi yo'yookeb' a'aneb' li ánjel li neke'ilok re li choxach'och'. Wan neke'yehok naq a'aneb' li kaahib' chi evangelista. nujenaqeb' chi xsa' uhej, jo' chiruheb' jo' ajwi' chirixeb'. 7Li xb'een sa' xyanqeb' chanchan jun li kaqkoj, li xkab' chanchan jun teelom wakax, li rox kama' jun li winq na'ilok ut li xka chanchan t'iw yo chi rupupik. 8Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al:
“Sant, Sant, Sant li Qaawa',
li Nimajwal Yos,
li ak wan chaq, li wank anaqwan ut li chaalel”.
9Ut rajlal naq li yo'yookeb' neke'xk'e xloq'al, xwankil ut neke'yoxink chiru li k'ojk'o sa' li nimajwal k'ojarib'aal ut yo'yo chi junelik q'e kutan, 10eb' li kaahib' xka'k'aal chi cheekel winq neke'xhupub' rib' chiru li k'ojk'o sa' li nimajwal k'ojarib'aal, neke'xloq'oni li yo'yo chi junelik q'e kutan ut neke'xkut li xkorooneb' chiru li nimajwal k'ojarib'aal, yookeb' chi xyeeb'al:
11“Aak'ulub', at Qaawa', at qaYos,
xk'ulb'al laanimal laaloq'al, li loq'onink ut laawankilal,
xb'aan naq laa'at katyoob'tesink re chixjunil:
rik'in laawajom ke'yoob'tesiik ut wankeb' chik anaqwan”.
Currently Selected:
Ap 4: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
