Sal 57
57
SAALM 57 (56)
Sa' xyanqeb' li kaqkoj
(Sal 108,2-6)
1Re li xjolomileb' laj b'ichanel. “Matsachok”. Xsaalm laj David, naq ki'elelik chiru laj Saúl ut koxmuq rib' sa' li ochoch pek.
2Chawuxtaana wu, at inYos, chawuxtaana wu,
xb'aan naq aawik'in namuhenk li waanm;
ninkol wib' rub'el laakupuhom
toj reetal taanume'q li rahilal.
3Ninyaab'a xk'ab'a' li Nimajwal Yos,
a' li Yos li numtajenaq usilal nab'aanunk we.
4Toj sa' taxaq li choxa tixtaqla chaq intenq'ankil
ut chixkanab' sa' xutaan li narahob'tesink we;
a' taxaq li Yos chixk'ut li xrahom ut li yaal.
5Jiljookin sa' xyanqeb' li kaqkoj
li neke'k'uxuk reheb' li poyanam;
tz'aqal jutz' che' ut ral simaj li ruuch reheb',
ut li ru'uj raq'eb' a'an jun q'esnal ch'iich'.
6At inYos, chaterq'usi laawankil toj sa' xb'een li choxa,
chiwanq laaloq'al sa' chixjunil li ruuchich'och'.#57,6, 12 Sal 8,2; 108,6.
7Sa' linb'e xe'xk'ehatq inra'lenkil,
ut k'ajo' naq xyot'e'k li waanm xb'aaneb'!
Xe'xb'ekatq jun li jul chiwu re tint'ane'q,
ab'an a' chik eb' a'an xe't'ane'k chisa'!
8Ak yo'oon wank linch'ool, at inYos; kawal wank.
Tinb'ichanq ut tinwajb'aq cho'q aawe.
9Ajen, at waanm,
ajenqex, ex aarp ut kitaar:
twaj rajsinkil li kutan naq taahik'e'q.
10Tinnima aawu sa' xyanqeb' li tenamit, at Qaawa',
tinb'icha laaloq'al sa' xyanqeb' li poyanam,
11xb'aan naq nim chik laarahom chiru li choxa,
ut li xtiikilal laach'ool nawulak toj sa'eb' li choql.#57,11 Sal 36,6.
12At inYos, chaterq'usi laawankil toj sa' xb'een li choxa,
ut chiwanq laaloq'al sa' chixjunil li ruuchich'och'!
Currently Selected:
Sal 57: QQC
Highlight
Share
Copy
Want to have your highlights saved across all your devices? Sign up or sign in
Q'eqchi DC Bible © Bible Society in Guatemala, 2005.
